‘Lola Basyang’ Luz Fernandez, pumanaw na

ni Lolet Abania | March 6, 2022

Pumanaw na ang beteranang aktres na si Luz Fernandez sa edad na 86.

Nai-share sa Twitter ng kanyang apong si Celestine Trinidad nitong Sabado ang pagpanaw ng aktres, habang naibigay din nito ang mga detalye ng burol ni Luz na nasa Loyola Memorial Chapels sa Marikina.

“My grandmother passed away today. It’s been a long day and we’ve been busy with arrangements that I didn’t have time to say anything about it here until now,” sabi ni Celestine.

Sinabi rin ni Celestine na sa Marso 9, Miyerkules, gaganapin ang interment ni Luz, at isusunod na lamang nila ang oras ng libing.

Nakilala nang husto si Luz sa kanyang role bilang Luka sa “Okay Ka, Fairy Ko.”

Lumabas din siya sa mga GMA-7 shows gaya ng “Pepito Manaloto,” “Kambal Karibal,” at “Amaya.”

Noong 2015, binigyang-buhay niya ang role na Lola Basyang sa “Tatlong Kuwento ni Lola Basyang” na obra ni Severino Reyes.