ni Reggee Bonoan - @Sheet Matters | April 18, 2021
Nang makapanayam namin si Elijah Canlas kamakailan via Zoom meeting, hinamon namin siya sa Jojowain at Totropahin challenge.
“May makapanood man nito, or kakilala ko, laro lang, pasensiya na, guys," paunang sabi ni Elijah.
So, ito na ang mga itinanong namin sa kanya. Una, si Bea Alonzo?
"Jojowain po. Ang husay niyang artista, napakaganda at mukhang may stand at moral sa buhay kaya jojowain ko. Hindi ko pa po siya nakilala pero siyempre, Bea Alonzo siya, everybody knows her."
Si Jane de Leon, "Totropahin po kasi hindi ko pa po siya kilala. May idea ako kung sino siya pero 'pag nagkakilala siguro po kami, baka jowain."
Si Maris Racal?
"Totropahin, kasi naging partner na po ‘yan ni Kokoy (de Santos, sa Stay in Love sa TV5), so sila na lang bahala, charing! Parang masaya siyang kasama. Nakikita ko vlogs niya, ‘yung vlog nila ni Kokoy, napanood ko, so feeling ko, masaya siyang kasama kaya totropahin."
Maja Salvador?
"Jojowain, same lang po with Bea Alonzo. Mahusay na artista, maganda ang moral and principles in life at mukhang masaya rin siyang kasama, saka maganda po."
Kim Chiu?
"Totropahin po siguro. Nakita ko siya sa Taumbayan (restaurant) years ago, kasama niya sina Bela Padilla at Angelica Panganiban. Sila ang magkakasama, ang saya-saya sa lamesa, so totropahin po."
Liza Soberano?
"Totropahin po. Hindi kasi ako masyadong mahilig sa mestiza. But Liza is very beautiful, hindi naman maitatanggi ‘yun. Saka maganda ang stand niya sa buhay, sa politics man, may ipinaglalaban siya sa buhay."
Pero biglang bawi nito, "Naku, jojowain na lang po. Ganu’n po, nakaka-turn on po talaga ‘yung may mga ipinaglalaban sa buhay."
Janine Gutierrez?
"Jojowain din po kasi nakasama ko ‘yan sa Babae at Baril, napakabait po na tao. One of the best actresses we're having right now."
Kathryn Bernardo?
"Jojowain po siguro? Ang hirap. Mahusay, grabe, I’m such a big fan sa Hello, Love, Goodbye and even sa The House of Us. Ayokong awayin ng fans nila," natatawang sabi niya.
Shaina Magdayao?
"Jojowain, yes jojowain. Napanood ko na po siya sa Past Present Perfect, parang masaya po siyang kasama saka kalog siya. Such a talented actress also. Saludo po ako sa kanya sa mga ginagawa niyang movies with Direk Lav Diaz."
Erich Gonzales?
"Totropahin. Parang same with Jane de Leon, hindi ko pa po siya na-meet. Hindi ko siya kilala as a person, hindi kami nagko-cross path."
Hayan, more or less ay may ideya na ang mga supporters ni Elijah kung sino ang mga type niyang aktres sa showbiz.
Comentarios