Libreng sakay sa LRT at MRT

ni Mai Ancheta | June 10, 2023

Magpapatupad ng libreng sakay ang Light Rail Transit 1 at 2 at Metro Rail Transit (MRT) sa Lunes, June 12, sa selebrasyon ng Independence Day.

Ang libreng sakay ay bilang pakikiisa ng Department of Transportation sa ika-125 anibersaryo ng Araw ng Kalayaan.

Ayon kay Transportation Assistant Secretary for Railways and MRT-3 officer-in-charge Jorjette Aquino, ang libreng sakay ay mula alas-7 hanggang alas-9 ng umaga, at alas-5 ng hapon hanggang alas-7 ng gabi.

Sinabi ng opisyal na ang libreng sakay ay taunang ginagawa ng DOTr bilang pakikiisa sa selebrasyon ng Independence day.