ni Jasmin Joy Evangelista | November 9, 2021
Patay ang isang lalaki sa Mamburao, Occidental Mindoro matapos barilin nang malapitan sa ulo ng hindi pa nakikilalang salarin.
Batay sa kuha ng CCTV, isang motorsiklo sakay ang 2 suspek ang makikitang paikot-ikot at tila may hinahanap sa kalye.
Nang makita ang target, dahan-dahang lumapit ang angkas na gunman at binaril nang malapitan sa ulo ang biktima, na kinilalang si Adamin Amarrador, supervisor sa isang construction company.
Ayon sa Mamburao police, love triangle ang tinitingnan nilang motibo sa krimen dahil marami umanong naging kasintahan ang biktima na pamilyado na.
"Itong mga naging girlfriend niya ay may kaniya-kaniya pong pamilya o naging kinakasama rin po," sabi ni Police Maj. Rodolfo Camba, hepe ng Mamburao police.
Dalawang tao na ang persons of interest sa nangyaring pamamaslang.
Commentaires