ni Nitz Miralles @Bida | Feb. 23, 2025
Bibilib ka naman dito kay Xian Lim, wala ring sinasayang na oras and he never stops learning. Parang nakalista na kung ano ang mga gagawin niya para hindi nasasayang ang oras niya at laging nagwo-work ang brain cell.
Pagkatapos ng training maging private pilot, heto at back to school naman siya.
Nag-post si Xian ng photos niya habang nasa De La Salle College of Saint Benilde School of Design and Arts. May photo pa siyang nasa harap ng piano at alam natin na nagpa-piano siya at isa lang ito sa 17 musical instruments na kanyang tinutugtog.
May photos din na kasama ni Xian ang ilang professors at students.
“It’s finally happening,” ang caption ni Xian sa kanyang post at may hashtag na #BenildeLikeNoOther.”
Maaalalang katatapos lang ni Xian ng training para maging private pilot at nagpapalipad na siya ng eroplano. Tanong ng mga fans ni Xian, ano pa ang hindi nito alam gawin? Ang next question nila ay ano ang susunod niyang gagawin o pag-aaralan?
“Producer era” muna si Alden Richards habang wala pa siyang movie assignment at habang hinihintay magsimula ang taping ng bagong show na iho-host niya sa GMA-7. Wala talaga siyang sinasayang na oras at marami siyang puwedeng gawin.
Marami ang nagulat nang i-announce ni Alden ang “98 Degrees Live In Manila Soon!” na ang ibig sabihin, darating sa bansa for a concert ang American pop/ R&B band na sumikat noong ‘90s. Marami pang fans ang pop band at natuwa sila sa announcement na ito.
Ang Myriad Corporation ni Alden, Viva Entertainment at Viva Live ang magko-collab to produce the said concert. Hindi pa in-announce ang date ng concert at ticket prices, pero dahil mahal ang ticket prices sa mga concerts ngayon, magsisimula nang mag-ipon ang mga fans ng 98 Degrees. Pati ang mga fans ni Alden, kahit hindi mga fans ng pop band, manonood ng concert bilang suporta sa aktor.
Actually, ilang linggo lang naman magpapahinga si Alden dahil nabanggit nito na sa March, simula na ang taping niya sa bagong show na iho-host sa GMA-7. Kahit June pa ang airing, kailangan na nilang magsimulang mag-taping.
As for his next movie and series, pahinga muna si Alden, pero sandali lang ito dahil kapag may magandang offer na dumating sa kanya, siguradong hindi niya tatanggihan.
BIRTHDAY ni Jillian Ward this Sunday, February 23, at 20 years old na ang Kapuso actress na nang una naming makita ay hindi pa marunong magsulat. Ipinasulat namin ang pangalan niya sa aming notebook at dahil hindi pa nga marunong magsulat, puro lines ang isinulat nito.
Dalaga na si Jillian ngayon at ang magandang balita, pinayagan na siya ng mom niya na magpaligaw at pati na siguro magkaroon ng boyfriend.
Sabi nito sa isang interbyu, okey na sa mom niya na kiligin siya sa guy at magkaroon ng inspirasyon.
Natuwa ang mga fans ni Jillian at nag-uunahan na sa pagpu-push ng kanilang mga bet para sa aktres. Matunog ang mga pangalan nina Raheel Bhyria na nakasama ni Jillian sa Abot-Kamay na Pangarap (AKNP) at Michael Sager na nakasama rin niya sa nasabing afternoon soap at leading man ngayon sa My Ilonggo Girl (MIG).
Sino kaya sa dalawang boys ang mauunang mag-greet ng happy birthday kay Jillian at sino ang mauunang magbigay ng flowers?
Last Valentine’s Day, parehong nagbigay ng roses ang dalawang aktor, may dagdag na gift nga lang si Michael dahil binigyan niya ng heart-shaped Dunkin Donuts si Jillian at may kasama pang salad.
Anyway, malapit na ngang magtapos ang MIG at wish ng mga fans nina Jillian at Michael, matuloy ang rom-com movie na pinaplano para sa kanila. Saka, kailangan ni Jillian ng movie para mas ma-push siya into a bigger actress. Sayang ang suporta ng mga fans kung wala siyang pelikula.