ni Gerard Arce @Sports | March 8, 2023
Mga laro ngayong araw (Miyerkules)
(San Andres Sports Complex)
9:00 n.u. – JRU Bombers vs Letran Knights (men’s)
12:00 n.t. – JRU Lady Bombers vs Letran Lady Knights (women’s)
2:00 n.h. – Arellano Lady Chiefs vs San Sebastian Lady Stags (women’s)
Naitakas ng De La Salle-College of Saint Benilde Lady Blazers ang pambihirang five-set panalo sa pangunguna ni last season Finals MVP Jhasmin Gayle Pascual kontra Mapua University Lady Cardinals sa 25-22, 25-16, 24-26, 22-25, 15-13 sa unang laro, habang naisakatuparan ng Lyceum of the Philippines University Lady Pirates na malampasan ang pagkabigo sa first set upang makuha ang fourth set panalo kontra Emilio Aguinaldo College Lady Generals sa bisa ng 23-25, 25-18, 25-23, 25-23, kahapon sa 98th season ng National Collegiate Athletic Association (NCAA) women’s volleyball tournament sa San Andres Sports Complex sa Malate, Manila.
Bumuhos si Pascual ng game-high 24 puntos mula sa 21-of-52 atake kasama ang 12 digs, habang sinegundahan naman ni Jade Gentapa ang atake ng Lady Blazers sa kabuuang 23pts mula sa 18 atake, tatlong blocks at dalawang aces, kasama ang walong receptions para pagbidahan ang pananatiling undefeated ng defending champions, tangan ang 6-0 kartada.
“Great experience 'yung nangyari sa amin sa LPU [Lady Pirates], na kailangan ng maging composure at maibalik yung laro namin sa game,” pahayag ni Pascual matapos ang laro. “Siyempre nagtitiwala kami sa sarili namin dahil tiwala rin sila sa akin, kaya stay compose lang, and we always say na nice game, kahit bad game, eh win pa rin naman, great experience naman ito sa amin,” dagdag ni Pascual na sunod na makakalaban ang Letran Lady Knights sa Biyernes.
Nag-ambag din para sa Taft-based lady squad sina Weilyn Estoque sa 13pts, Ma. Camill Avila sa 11pts, playmaker Cloanne Mondonedo sa 29 excellent sets.
Comments