ni Beth Gelena - @Bulgary Files | August 23, 2021
Nag-react ang TV host na si Willie Revillame sa bagong Shopee commercial endorser na si Jackie Chan.
Ayon sa Wowowin host, nakaramdam siya ng hiya sa sarili nang mapanood ang Shopee commercial ng Chinese actor na nagsasayaw.
Sey ni Kuya Wil sa kanyang programa, "Nahiya ako sa Shopee!"
Esplika niya, "Kasi nu’ng kinuha akong [brand] ambassador, ayokong sumayaw! Pero tsina-challenge mo 'ko, Jackie Chan!"
Sa naturang online shopping app commercial ay nagsalita pa ng Tagalog ang international actor.
Tanging si Kuya Wil ang hindi nagpakita ng Shopee dance sa kanyang TVC. Sina Jose Mari Chan, Kris Aquino at Jackie ay pare-parehong nag-Shopee dance.
Biro ni Kuya Wil, lagi naman daw niyang binabanggit sa kanyang show ang pangalan ni Jackie kapag sumisigaw siya ng, "Bigyan ng jacket 'yan!"
Comments