ni Erlinda Rapadas - @Teka Nga! | July 12, 2020
Napaka-unfair naman kay Cong. Alfred Vargas ng 5th District of QC na siya ay husgahan at i-bash at tawaging traydor nang dahil lang sa pag-a-abstain niya sa ginanap na botohan sa Congress para sa franchise renewal ng ABS-CBN.
Hindi tinatalikuran ni Cong. Alfred ang malaking utang na loob niya sa Kapamilya Network. Dito nagsimula ang kanyang showbiz career bago pa siya napadpad sa GMA Network. Marami rin siyang naging kaibigan sa Dos.
Hangga't maaari ay ayaw niyang masaktan at magtampo sa kanya ang Kapamilya Network. Ang pagiging public servant ang dahilan kaya naipit sa sitwasyon si Cong. Alfred Vargas. Tinimbang niya nang husto ang mga pros and cons sa gagawing desisyon. At sa huli, pinili na lang niya ang mag-abstain kahit na ang mga co-actors niyang congressmen na sina Cong. Dan Fernandez at Yul Servo ay hindi pumabor sa ABS-CBN.
Mahirap para kay Cong. Alfred ang kanyang sitwasyon. Humihingi siya ng pang-unawa sa mga bashers na tumutuligsa sa kanyang naging desisyon. At sana rin, huwag siyang personalin sa kanyang ginawa.
Comments