ni Julie Bonifacio - @Winner | August 27, 2020
Kinumpirma ng singer na si Ice Seguerra ang pakikipaglaban sa kanser ng kanyang amang si Mr. Dick Seguerra.
"I went to visit him last night. Na-suspect na covid apart from cancer, so, ipina-swab namin. For five days, hindi kami nagkita, eh. Siyempre, may cancer na nga si Daddy, ‘di ba, so, ang lungkut-lungkot niya. Tatawag ‘yun, ‘Miss na miss na kita,’ ganyan," panimula ni Ice sa aming interbyu with Ateng Janice Navida, Bulgar's Entertainment editor, sa #CelebrityBTS Bulgaran Na online show sa Facebook page ng BULGAR last Saturday, 11 am.
At nang makuha raw ng ama ang resulta ng swab test at nalamang negative ito ay tuwang-tuwa ito.
Nag-i-stay daw ang ama ni Ice sa condo niya na inayos nila na parang hospital, complete with hospital bed at caregiver para kay Daddy Dick.
Nakatira rin sa same compound ng condo ang ina ni Ice na si Mommy Caring, pero magkaiba lang daw ng building.
Year 2013 daw nang una nilang madiskubre ang prostate cancer ni Daddy Dick at nasa stage 2 na. Ipinagamot na nila ito noon at nang bumuti na ang kalagayan, hindi na uli nakapagpa-checkup, hanggang sa pumayat na naman at bumalik nga pala ang sakit kaya inoperahan uli.
"And the sad part of all of this, nagka-metastasize 'yung cancer niya. It transfers to the different part of his bones, yeah. So, masakit sa bones."
Hanggang may nadiskubre naman silang parang bukol sa batok ni Daddy Dick at naapektuhan daw ang eyesight ng ama kaya 'yun naman ang ipina-treat nila.
Dahil sa pagkakasakit ng ama, inamin ni Ice na ngayon lang siya naging malapit dito.
"Kasi lumaki talaga ako na si Mommy (Caring) ‘yung kasama ko, ‘coz my dad is working also. Siyempre, ang tendency noon, nagiging one-sided ka rin with some certain situations that because I don’t talk to my dad that often, I don’t get to hear his side of the issue. Meron silang something ng mommy ko, I just don’t know him. I mean, apart from being my dad, like what’s his story, alam mo ‘yun?"
Ngayon daw, ang lambing-lambing ng kanyang Daddy Dick.
"Sweet siya, sobra! As in, he’s very emotional. Uhm… lagi ‘yang nagte-text sa akin… As in talagang he texts me everyday, nag-iba ‘yung relationship talaga namin. Palagi ‘yan, ‘Good morning. I love you. Kumain ka na ba?’ ganyan.
"So, parang siguro, nakita niya na… kasi akala niya, kampi lang ako sa mommy ko, pero nakita niya na hindi, wala akong bias, 'di ba? May mali ‘yung isa, mali ‘yung isa, parang ganu'n."
Inamin din ni Ice na pina-practice niya ngayon ang kanyang faith on Buddhism.
"I’m in my Buddhism journey. I’ve realized, we really have to communicate at all things. I mean, kasi even if kahit hindi naging okay ang relationship namin, parang we will still… parang marami pa ring things left unsaid, you know."
Kaya nagkaroon daw sila ng family meeting at nagsabihan talaga ng sama ng loob sa isa't isa.
"Sabihan talaga ng lahat, lahat, lahat. The things that we never said ever since, and it worked for us. Kahit may dumarating na problema, mas napapag-usapan namin. It feels lighter and siguro, that’s what I want for my dad na, I mean, whatever happens to him, ‘yung mararamdaman niya that we love him and he is on this family, and nandoon lang kami," paliwanag pa ni Ice.
Comments