ni Erlinda Rapadas - @Teka Nga! | August 3, 2020
Ang sipag-sipag mag-vlog ng Kapuso actress na si Heart Evangelista. Marami tuloy nalalaman ang kanyang mga fans and followers sa mga latest na kaganapan sa kanyang buhay.
Kahit wala pa siyang show ngayon sa GMA-7 Network dahil busy siya at maraming pinagkakaabalahan, updated pa rin ang publiko tungkol kay Heart.
Maraming natutuwa at naaaliw sa vlog ni Heart lalo kapag magkasama sila ni Sorsogon Governor Chiz Escudero. Ang dami-daming tanong ni Heart sa kanyang mister tungkol sa napapanahong isyu ngayong may Covid pandemic.
Kitang-kita sa expression ng mukha ni Heart na star struck pa rin siya sa super-talinong mister lalo na kapag detalyado ang pagpapaliwanag ni Chiz.
Minsan, nagkakabiruan-nagkakabukingan sila sa ilang personal matters. Tulad nang sabihin ni Heart na may pagka-nagger ang kanyang mister.
Ang pagiging makulit at minsan ay matigas ang ulo naman ang pinapansin ni Gov. Chiz sa kanyang beautiful wife.
In a way, naging good influence naman si Gov. Chiz kay Heart dahil nagkaroon ng control ang aktres sa pagsa-shopping at marunong nang mag-budget at magtipid. Si Gov. Chiz din ang nagsilbing financial adviser ni Heart kaya magaling na itong humawak ng kanyang pera!
Comments