top of page
Search
BULGAR

Kotse, sumalpok sa barriers, nagliyab... 3 tauhan ng Phil. Air Force, patay

ni Lolet Abania | February 18, 2022



Patay ang tatlong tauhan ng Philippine Air Force (PAF) habang nakaligtas ang isa pa, matapos na sumalpok sa mga concrete barrier at magliyab ang kanilang sinasakyang kotse sa EDSA sa Quezon City, ngayong Biyernes ng madaling-araw.


Batay sa ulat, bandang alas-2:00 ng madaling-araw nang maganap ang insidente sa southbound ng EDSA, ilang metro lamang ang layo mula sa P. Tuazon tunnel sa Quezon City.


Kinumpirma naman ng PAF na mga tauhan nila ang mga biktima, kung saan tatlo ang nasawi habang ang isa pa ay agad na isinugod sa pinakamalapit na ospital.


“The accident involved four (4) PAF personnel wherein three (3) were confirmed dead,” pahayag ng PAF. “The only survivor was brought to a hospital for immediate medical treatment.”


Patuloy ang imbestigasyon sa nangyaring insidente, ayon pa sa PAF.


“The PAF is coordinating with proper authorities on this investigation,” ani ahensiya.

0 comments

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page