Kobe, sinaktan dahil ayaw ibigay ang cellphone… SIGAW NI JACKIE: KYLINE, BASTOS, PA-VICTIM PARA SA CAREER

ni Ador V. Saluta @Adore Me! | Apr. 29, 2025

Photo: Jackie Forster - IG

Maraming naging pasabog si Jackie Forster sa 15-minute video na in-upload nito sa kanyang YouTube channel para linawin ang tunay na dahilan ng hiwalayan ng kanyang anak na si Kobe Paras sa Kapuso actress na si Kyline Alcantara.

Bilang ina, hindi na nga natiis ni Jackie ang manahimik lang habang bina-bash at tinatawag na cheater si Kobe dahil sa paniwala ng mga netizens na ito ang nagkaroon ng third party kaya sila naghiwalay ni Kyline, habang patuloy lang daw na nananahimik ang aktres at pamilya nito para siya ang kaawaan ng mga netizens at maging victim sa sitwasyon.

Sa kanyang binasang mahabang statement, tinawag ni Jackie na “toxic” ang relasyon ng dalawa, at naramdaman daw ni Kobe na siya ay trapped na rito.

Inakusahan din ng ina ni Kobe ang Kapuso actress ng physical assault dahil sinaktan daw ni Kyline ang anak niya nu’ng ayaw nitong ibigay ang cellphone, bukod sa minaliit daw ng mga magulang ni Kyline si Kobe.

Ipinagdiinan ni Jackie na hindi cheater si Kobe dahil matagal na raw itong break kay Kyline bago lumabas ang mga pictures na may kasama na itong bagong babae sa bar.

Kaya hirit ni Jackie, “So you can all judge and hate my son from moving on so seemingly fast but I think that’s better than loving someone for pretending to be somebody that they’re not.”

Ikinuwento rin ni Jackie na nagtataka siya kung bakit pinalalabas ng magulang ni Kyline na “masama” si Kobe gayung gustung-gusto naman daw ng aktres na magkabalikan sila at nagpatulong pa nga sa ina ng ex-BF.  

“Kyline should have completely understood—the day that he decided to leave her that he had had enough,” sabi pa ni Jackie.

Sinabi rin ni Jackie na sa kabila ng effort niyang tulungan si Kyline para makausap si Kobe sa hinihinging balikan ng aktres, “She became condescending, bastos, and made a promise to do what she needed to save her career. Then she posts a cryptic message and again her parents post one, too. This when I told myself I need to believe what I was seeing. I need to stop denying.”

Sa tingin ni Jackie, walang pakialam ang Kapuso actress kung maaapektuhan ang mga taong tumutulong sa kanya.

Saad ni Jackie, “It really showed that Kyline will do what Kyline wants to do to get what Kyline wants.”

Sa huli, may iniwan ding pahayag si Jackie sa pagiging pa-victim daw ni Kyline. 

“If you’re a victim, you’re the victim of your own doing.

“Now I hope everyone who has a heart to truly comprehend the gravity of the deception of your ways. Now sees the real you.”

Bukas ang aming pahina para sa panig at paglilinaw ni Kyline Alcantara sa mga akusasyon sa kanya ng ina ng ex-BF niyang si Kobe Paras.