ni Erlinda Rapadas - @Teka Nga! | November 28, 2021
Umiral na naman ang pagiging taklesa nitong si Kim Chiu at hindi man lang nag-isip nang i-post niya ang pagbabaklas sa picture ni Bea Alonzo na nasa lobby ng ABS-CBN.
At humahagalpak pa siya sa pagtawa habang kinukunan ang nasabing pagbabaklas.
Imbiyerna ngayon kay Kim ang libu-libong fans ni Bea Alonzo kaya niresbakan siya at bina-bash.
Sa totoo lang, hindi naman katawa-tawa at katanggap-tanggap ang ginawang ito ni Kim.
Hindi ba siya nag-iisip man lang?
Bakit kailangan pa niyang i-post 'yun at pagtawanan? Bakit, narating na ba niya ang status ng kasikatan ni Bea Alonzo?! Magka-level ba sila ni Bea?
Mabuti na lamang at dinedma ni Bea ang nasabing post. Dumating na si Bea sa punto na hindi na siya pumapatol sa isyu na hindi naman big deal kung tutuusin.
Positive vibes ang gusto ni Bea upang magkaroon siya ng payapang kalooban.
Comments