ni Julie Bonifacio @Winner | Oct. 17, 2024
Photo: SB19 performance - Billboard PH Instagram @billboardphofficial
Dismayado ang tinaguriang P-Pop Kings na SB19 sa event ng Billboard first anniversary.
Paano kasi, may mga palpak daw na ginawa ang mga organizers ng event.
Unahin na natin ang kapalpakan ng bandang kinuha to accompany SB19 for their performance. May mabagal, may bumibilis ang tempo ng tugtog habang kumakanta ang SB19.
Todo-rehearse naman ang grupo with the band, ano’ng nangyari sa actual performance that night?
Kuwento ng mga nasa VIP section na nag-post sa X (dating Twitter), kitang-kita nila ang pagkadismaya ng grupo.
Unang nag-react si Pablo na nabasa thru lip-reading ng audience ang dialogue nito na parang ang sinasabi ay “What is happening?” sabay tingin sa likod.
Sumunod si Ken Suson na napasigaw ng, “Stop!” na ibig sabihin daw ay gustong pahintuin ang banda.
Third, si Josh ay napa-“What the…?”
At agad-agad na pumunta sa likod ng stage sina Ken at Josh na tingin ng mga nakakita ay bad trip na bad trip.
Hala… walkout ba ito?
And then, si Stell na nararamdaman din ang nangyayari at reaksiyon ng kanyang kagrupo ay tinapik si Ken habang inaalo para pahupain ang emosyon nito.
Twice na nagkaroon ng technical difficulties sabi ng mga netizens/fans. Pero nagpaka-professional pa rin ang SB19 at pinangatawanan ang kasabihang “The show must go on.”
Comment ng mga netizens:
“One thing I’ve learned in time sa SB19, bigyan n’yo sila ng tech issues and they will give you one hell of a show.”
“Tech issues ka lang, SB19 ‘yan, pero sana naman next time, ayusin para sa mga taong ilang oras naghintay lalo na sa artist na ginagawa ang best nila to give an explosive performance.”
“‘Yung gigil n’yo kagabi lalo na ikaw, Stell, you make me proud. Grabe, talagang vocals and power on stage.”
‘Yun, oh!
INILUNSAD na ng sikat na beauty and skin products company ni Ms. Rhea Anicoche-Tan, ang Beautederm, ang latest offering nila na Belle Dolls.
Ang Belle Dolls ay may iba't ibang klase - ang Premium Glutathione and Premium Vitamin C, Stem Cell Juice Drink, Caramel Macchiato, Dark Chocolate and Collagen Juice Drink.
Siyempre, may set of endorsers ang bago at ipinagmamalaki nila na Belle Dolls, at sila ang mga Kapuso stars na sina Shaira Diaz, Isabelle Ortega, Sofia Pablo and Miguel Tanfelix.
Ginanap ang launch ng Beautederm’s Belle Dolls sa Novotel, Cubao kahapon.
Dumating at nagbigay ng suporta rin sa launch ng Belle Dolls ang iba pang celebrity endorsers sa pangunguna ng dalawang premyadong aktres at “mamitas” na rin na sina Lorna Tolentino at Sylvia Sanchez.
Ang iba pang celebrity endorsers na dumating ay sina Kitkat, Jaycee Parker, Rochelle Barrameda, Maricel Morales, Sunshine Garcia, Gillian Vicencio, Edgar Allan Guzman, Thou Reyes at marami pang iba.
Unparalleled na talaga ang success ng Beautederm ni Ms. Rhea, kaya naman lagi naming tatandaan ang sinabi niya sa grand launch ng Belle Dolls.
“I might have done something good kaya nag-i-stay ang mga endorsers ko,” pahayag ni Ms. Rhea.
Again, our congratulations to Ms. Rhea, Beautederm and to the celebrities of Belle Dolls!