ni Julie Bonifacio - @Winner | July 07, 2021
Kilig much ang mga netizens sa caption na inilagay ni Piolo Pascual sa kanyang Instagram post ng piktyur niya kamakailan.
Caption ni Piolo, “Ready for my whirlwind romance in LA! (3 heart emojis)”
Espekulasyon ng mga netizens, especially ng mga fans nila ni KC Concepcion, ang panganay na anak ni Megastar Sharon Cuneta ang tinutukoy ni Papa P. na ‘whirlwind romance’ na pupuntahan niya sa LA.
Kasalukuyang nagliliwaliw si KC sa LA based on her Instagram posts. Kaya nag-“wan plus wan equals two" agad ang mga netizens na handa na si Papa P. para ligawang muli si KC sa LA.
“KC is there in LA!!! Hope you will get to see each other!!!”
“OMG! Is it the case of love is lovelier the second time around?! Kilig much!"
Pati ang leading lady ni Papa P sa next film niya na ipapalabas na si Alessandra de Rossi ay kinilig din sa IG post ni Papa P.
Comment-post ni Alessandra, “I knew it! I just knew it! Foofii! @piolopascual_ph don’t us!”
Reply ni Papa P. kay Alessandra, “Asa ka! Ahahaha!”
May netizen naman na binasag ang kilig ng mga fans nina Papa P at KC.
“Mga loka-loka 'tong mga baklang push nang push ng Piolo-KC. Gumising nga kayo sa kahibangan ninyo. Nakakatawa kayo.”
Comments