Kaya swak na swak, wala raw pressure… SUE AT DOMINIC, INE-ENJOY LANG ANG ISA'T ISA

ni Beth Gelena @Bulgary | Apr. 24, 2025

Photo: Dominic at Sue Ramirez - Instagram

Very open na sina Sue Ramirez at Dominic Roque sa kanilang tunay na relasyon.  

In fairness, mas blooming at fresh na fresh ang awrahan ni Sue nang makatsikahan siya sa latest movie niyang In Between (IB) with Diego Loyzaga under Viva Films.  

Natanong siya sa update ng kanilang relasyon ni Dom.  

Aniya, “Ang saya lang po, sa totoo lang, walang pressure. Masaya lang kami lagi, lumalabas kami, we enjoy our time together, explore, go on adventures together, and eat the best food together.”  

Dagdag pa ng aktres, “Basta we’re happy. Masaya s’ya, masaya ako. Nagkakasundo kami.”

---

BAGO na ang namamahala sa career ni Miles Ocampo.  

Pormal na siyang pumirma sa All Access to Artists (AAA), ang talent management nina Marian Rivera, Maine Mendoza at Carla Abellana.  

Ginanap ang contract signing sa presensiya ng mga executives ng Triple A at malalapit na kaibigan ni Miles.  

Nagpasalamat si Miles sa bagong kabanatang ito ng kanyang karera at sa patuloy na suporta ng kanyang mga tagahanga.  

Nakapanayam ang aktres/host pagkatapos niyang pumirma ng kontrata. Hindi niya maitago ang kanyang kasabikan para sa bagong direksiyong tatahakin ng kanyang showbiz career.  

Sey niya, “I’m just very grateful. Sobrang saya ko na mapabilang sa Triple A. Alam kong marami pa akong matututunan at mae-experience rito.”  

Sa ilalim ng Triple A, inaasahang magkakaroon ng mas malawak na oportunidad si Miles pagdating sa mga proyekto, endorsements, at iba pang entertainment ventures.  

Ibinahagi rin ni Miles ang kanyang pasasalamat sa mga naging bahagi ng kanyang journey simula pa noong bata pa siya. 

Aniya, “Sa lahat ng naging parte ng career ko mula noon hanggang ngayon, salamat po. Hindi ko ito mararating kung hindi dahil sa suporta ninyo at sa mga taong naniwala sa ‘kin.”  

Nagsimula si Miles bilang child actress sa Goin’ Bulilit (GB) at mula noon ay hindi na siya nawala sa mata ng publiko.  

Kamakailan lang ay hinangaan siya ng maraming manonood sa kanyang mga seryosong pagganap sa mga pelikula at drama series, at ngayo’y mas palalawakin pa ang kanyang artistry sa tulong ng bagong management.

---

Umuwi ang singer/actor na si Iñigo Pascual mula Tate para um-attend ng premiere night ng pelikulang Fatherland. Kasama ni Iñigo ang amang si Piolo Pascual at ang kanyang ina na si Donnabelle Lazaro.  

“I’m happy to be here. This is something that’s different from what I’ve done before. I’ve always done love teams and rom-com. I’ve never done heavy drama. This is the first time I was able to push myself into that zone, into that field and I’m relieved that I was able to work with such talented artists, such a talented director, and the whole team,” sey niya sa isang interbyu.  

Ayon sa anak ni Papa P, ilang movies na rin daw ang kanyang nagawa, pero sa Fatherland lang siya kinabahan nang husto.  

“Choosing to do this was definitely a challenge for me. A personal challenge to myself. Hindi ko alam na puwede pala akong gumawa ng pelikulang ganito, something that I’m not used to making. And I’m grateful that I did it, grateful that I was able to push myself. At least now I know when I’m given another opportunity to make something similar, to make something in this genre, I can say ‘Yes, let’s do it!’ (laughs).

“If I’m being completely honest, I had to use that mentality to give me the confidence to jump into this project. I had to use what I had learned in the States to be more confident while working on this project. I was more nervous working on this than working on Monarch, if I’m being honest. “Because this really required a lot from me. I had to push myself, especially towards the latter part of the movie. I had to do things that I have never done as an actor. As in nasa set ako, sabi ko ‘Ito na ‘yun, ah? Ito na ‘yung eksenang ito, kaya ko ‘to!’ And then I just go for it.  

“Kasi ‘yung mga kaeksena ko, Max Eigenmann, Allen Dizon, Angel Aquino, Cherry Pie Picache, Mercedes Cabral, everyone is on their A game and I noticed while working on this set, no one asks for an actor’s cue. Walang nag-a-actor’s cue! Ako, kinakabahan ako. Kailangan ko ng actor’s cue (laughs). Sabi ko, ‘di ko kaya. I can’t just turn it on like the way they do. And that’s something that I was able to witness and observe and it kind of gave me this sense of confidence na I should try to do something like that, to try and push myself beyond my comfort zone,” pag-amin ni Iñigo.  

Sana raw ay suportahan ng moviegoers ang pelikula nila.