Julie Bonifacio - @Winner | April 15, 2021
Inamin ng aktor na si JM de Guzman na five years siyang walang girlfriend during his interview with the King of Talk na si Boy Abunda sa YouTube channel ng Kapamilya host.
Meaning, 'di niya talaga naging official girlfriend si Barbie Imperial nu'ng time na may teleserye sila sa ABS-CBN.
Puwedeng 'di sila naging opisyal na magkarelasyon that time para kay JM, pero kay Barbie, parang 'di ganu'n. Kaya nga naging isyu kay JM noon ang pagdi-deny kay Barbie as his girlfriend.
Posible rin na true ang sinasabi ni JM na 'di niya naging girlfriend si Barbie officially. Kasi, baka hanggang MU (mutual understanding) level lang din talaga ang inabot ng kanilang relasyon.
Going back to JM's interview ni Kuya Boy, choice raw niya na maging single for five years.
"Gusto ko munang pahalagahan itong ibinigay sa akin at maging okey na tao, maging better than yesterday. And in my mind na ang pangarap kong at least, mga pangarap kong pamilya or whatever," lahad ni JM.
Ayon kay JM, apat ang naging girlfriends niya sa showbiz at sa dalawa rito siya nasaktan nang todo.
"Heartbreak? Doon ako bumagsak, twice, 'yun talagang depression and nadapa ako."
Sobra raw kasi siyang magmahal. Pero, wala raw siyang sinisisi.
Bukod d'yan, ini-reveal din ni JM na natakot na rin daw kasi siyang magmahal.
"Pero hindi ko ma-deny 'yung feeling na gusto ko na rin. Gusto ko nang mag-commit. Gusto ko ng relasyon. Pero parang ipinapasa-Diyos ko na lang."
'Yun din daw ang itinuro sa kanila habang tine-therapy. Hindi naman lingid sa marami na dalawang beses ding ipinasok sa rehab facility si JM noon.
Nagbalik-tanaw din si Kuya Boy sa naging karanasan ni JM habang nagte-therapy kung nagkaroon ba siya ng resistance doing the process.
In-admit ni JM na tinutulan niya ito. Isang taon daw ang inabot bago niya natanggap ang kanyang sitwasyon sa loob ng facility.
There were times daw na inuuntog pa niya ang ulo habang nasa loob ng rehab. Gumigising daw siya na iniisip na hindi na siya puwedeng lumabas. Controlled environment ang tawag ni JM sa rehab kaya wala raw siyang puwedeng gawin kundi ang sumunod.
"Never lose faith, number one. And pangalawa, protect yourself at all. Love yourself," sagot ni JM sa tanong ni Kuya Boy kung ano ang kinakapitan niya habang nasa loob ng rehab.
Malaking bagay din na hindi rin daw pinabayaan ng pamilya niya si JM.
"At hindi kita iniwan," sabi ni Kuya Boy kay JM.
Malapit na kaibigan kasi ni Kuya Boy ang pamilya ni JM. Wala pa sa showbiz si JM at nasa teatro pa lang ay bilib na sa kanya si Kuya Boy.
Last question ni Kuya Boy kay JM, "In five years na single ka, have you always been celibate?"
Natawa muna si JM bago sumagot, "No, hahaha! Never, hehe!" with matching wagayway ng isang daliri.
Dagdag pa niya, "Magdamag. Hahaha!"
So, alam na!
Comments