ni Erlinda Rapadas @Teka Nga | July 19, 2023
Si Bea Alonzo mismo ang umamin kay Boy Abunda na nagkaroon sila ng gap ni Alden Richards noong nagte-taping sila para sa seryeng Start-Up PH.
Kamakailan ay nag-guest ang aktres sa programang Fast Talk at dito na nga siya natanong hinggil sa isyu nila ni Alden Richards.
Sey ni Bea, maaaring ang dahilan daw ng gap nila ni Alden ay ang pagkakaroon ng magkaibang personalidad at background. Hindi naman sila dating magkaibigan dahil matagal na naging Kapamilya ang aktres.
Nang lumipat at pumirma na ng kontrata si Bea sa GMA Network, ang Start-Up PH ang kauna-unahang serye na pinagsamahan nilang dalawa. Mas bata si Alden sa aktres kaya’t ito ang isa sa mga factors kung bakit may mga bagay silang hindi napagkasunduan.
Pero dahil pareho silang professional, hindi idinamay nina Bea at Alden ang kanilang trabaho sa mga misunderstandings nila.
Ngayon nga ay muling magkakasama ang dalawa sa bagong talent competition ng GMA Network, ang Battle of the Judges. Isa si Bea sa mga tumatayong judges ng naturang talent competition habang si Alden naman ang host nito.
Well, ngayon nga ay minarkahan na ng mga fans ni Alden si Bea dahil nararamdaman nila na tila minamaliit ng aktres ang kanilang idolo dahil hindi magka-level ng status ang dalawa pagdating sa kasikatan.
Dahil nga mas malaking artista si Bea at mas matagal na rin sa showbiz kesa sa aktor, kaya feeling tuloy ng ilang netizens ay nai-intimidate si Alden sa lakas ng personalidad ng aktres.
Comments