ni Erlinda Rapadas @Teka Nga | June 11, 2023
Dahil pumasok na nga si Isko Moreno bilang isa sa mga hosts ng bagong Eat… Bulaga! ng TAPE, Inc., marami ang nagsasabing tiyak na aalukin din ng kampo ng mga Jalosjos ang mga dating sikat na members ng That's Entertainment na walang trabaho ngayon.
Sanay na sanay na ang mga That's Entertainment stars na kumanta, sumayaw at mag-host ng show. Hindi na mahihirapan ang TAPE, Inc. na mag-train pa sa kanila.
At sigurado naman na kilala pa at may mga fans pa rin ang mga taga-That's… na sumikat sa show noon ni Kuya Germs.
Ang labis lang na ipinagtataka ng mga netizens ay kung bakit sa dinami-dami ng mga artistang bakante ngayon ay nahihirapan ang TAPE, Inc. na kumuha ng mga bagong hosts ng EB! kapalit ng TVJ at Dabarkads?
Samantala, ikinagulat ng marami ang ibinunyag ni Joey de Leon na bukod kay Ryzza Mae Dizon, pati sina Maine Mendoza, Ryan Agoncillo at Paolo Ballesteros ay gusto ring tsugihin ng mga Jalosjos sa Eat… Bulaga!.
Ito ang hindi nagustuhan nina Tito Sotto, Vic Sotto at Joey de Leon kaya hindi na nila itinuloy ang anumang negosasyon at pakikipag-usap sa kampo ng mga Jalosjos.
Nagdesisyon na silang mag-resign at tuluyang magpaalam sa Eat… Bulaga!.
Comentários