ni Melba R. Llanera - @Insider | July 03, 2021
Nahahati ang reaksiyon ng mga tagahanga ni Bea Alonzo sa ginawang paglipat ng aktres sa Kapuso Network.
May ilan ang nagsasabi na 'di na nila susuportahan hindi lang ang mga serye at pelikula ng aktres kundi maging ang mga social media accounts nito.
Sa kabilang banda ay nagpahayag naman ang mga solid Bea fans na patuloy pa rin nilang susuportahan ang aktres kahit saan pa mang istasyon ito pumunta.
May mga kumakalat ding balita na tumataginting na P200 million daw ang halaga ng pinirmahang kontrata ni Bea sa Kapuso Network.
May mga lumalabas din dati na P650 thousand diumano ang asking price per taping day ng A-lister actress, na ikinalula naman ng marami.
Para naman sa iba, karapat-dapat lang naman ang ganitong halaga sa husay at galing ni Bea bilang isang aktres at sa mga napatunayan na nito sa industriya.
Comments