'DI MAGANDANG GINAWA SA PARTY?
ni Beth Gelena - @Bulgary Files | June 24, 2021
May lumalabas na balitang hindi na raw itutuloy ni Willie Revillame ang pagpo-produce ng sitcom para sa comebacking project ni John Lloyd Cruz. May alegasyon na nagbago na raw ng isip ang Wowowin TV host kaya nag-backout na.
Ang WBR Productions ni Kuya Wil ang dapat magpo-produce ng pagbabalik-TV ni Lloydie. Ito rin daw sana ang pagbabalik ni Kuya Wil sa larangan ng pag-arte.
Supposedly, siya ang line producer ng nasabing sitcom kung saan kasama rin siya sa planning project na si Andrea Torres ang makakapareha ni JLC.
But suddenly, sa vlog ni Ogie Diaz with Mama Loi na Showbiz Update, na-tackle nila ang nasabing isyu.
Tanong ni Mama Loi sa beteranong writer-cum comedian-actor-talent manager, totoo raw bang hindi na itutuloy ni Kuya Wil ang pagpo-produce ng sitcom ni John Lloyd na mapapanood sa GMA-7?
Shocked si Mama Ogs dahil wala raw siyang alam na may ganoong balita.
Kuwento naman ni Mama Loi, may nakita raw kasi si Kuya Wil kay John Lloyd na ikina-disappoint ng TV host nu’ng nag-cast party after nilang mag-TV special para sa Shopee.
“May nakita raw si Willie, at saka ‘yung mga ibang bossing ng network na hindi kaaya-ayang ginawa ni ano, ni John Lloyd,” pagbabahagi ni Mama Loi sa nakalap niyang isyu.
Tinanong ni Mama Ogs kung ano ang nagawa ni JLC. Ibinulong lang ni Mama Loi kung ano ang dahilan.
Nang marinig ang bulong ni Mama Loi, sey ng manager ni Liza Soberano, kung may nakita raw na something si Kuya Wil sa ginawa ng aktor, hindi raw niya puwedeng i-reveal dahil ayaw naman daw niyang husgahan agad si JLC.
Sabi pa ni Mama Ogs, baka raw in-allow naman si JLC na gawin kung anuman ‘yun. Singit naman ni Mama Loi, if that was the case, bakit naman agad magba-backout si Kuya Wil sa supposedly project nilang dalawa?
Dagdag pa ni Mama Loi, GMA na raw ang magpo-produce ng nasabing proyekto para kay JLC at out na raw si Kuya Wil.
Hmmm… how true kaya ang chismis na ito?
Comments