ni Ambet Nabus @Let's See | Mar. 23, 2025
Photo: Alden at Kath - Bench FB - Bench Body of Work
“They owe it to their audience. Their public needs that ‘kilig’ that they were previously using/capitalizing to promote their movie,” ang mataray na reaksiyon ng mga tila na-disappoint kina Alden Richards at Kathryn Bernardo.
Ang isyu nga ay ‘yung tila hindi raw pagkikibuan ng dalawa sa Bench Body of Work fashion show na animo’y hindi sila magkakilala.
Kapansin-pansin sa mga lumalabas na video na may kung anong hidwaan ang dalawa na kahit simpleng pagngiti ay hindi nila magawa sa isa’t isa.
Habang nilalapitan sila ng mga kapwa nila artista na nandu’n at rumampa, mukhang mapapaisip ka talaga kung bakit nagdededmahan ang dalawa.
Considering na sila nga itong dalawa sa pinaka-finale na lumabas kasabay ang may-ari ng Bench na si Ben Chan na napapagitnaan lang nila.
Mas minabuti pang makipaghuntahan ni Kath kay Joshua Garcia nang napakatagal na oras kesa sulyapan man lang si Alden.
May pagkakataon din sa video na napapatingin si Alden kay Kath, pero nakatalikod nga ang aktres at tila walang pakialam.
Ang ilan sa mga big endorsers ng clothing line na kulang na lang yata ay pagdikitin sila na nakatabi nila ay sina Marian Rivera, Dingdong Dantes, Lovi Poe at ang SB19 na nasa likod lang nila.
Ang mag-asawang Lucy Torres at Richard Gomez ay nakatabi rin nila at nagawa pa ngang bumati at yumakap ni Goma kay Kath, habang si David Licauco naman ay nakipag-bro sign pa kay Alden.
“Ano ito, bakit ganyan? Bakit ang tsismis noong nasa backstage raw sila ay okey naman daw at sweet sila? Ano nang gimik na naman ito? May niluluto ba uli na pang-bilyon ang hangad?” ang sunud-sunod na tanong ng netizen na hindi nga makapaniwala sa dedmahan ng dalawa.
Ang ending tuloy, naakusahan silang mga ‘user’ at porke’t tapos na raw ang movie project at kumita na nang bilyones ay basta na lang mang-iiwan sa ere sa mga nabola at naloko nilang mga nagtiwala sa love team nila.
Nakakaloka, pero may ine-expect nga tayong explanation dito, lalo’t sila ang higit na pinag-usapan sa naturang event na inilarawan naman ng marami na either nagmukhang gay bar o palengke ng mga nagbebenta ng katawan?
Hahahaha! Nakakabaliw!
NAKAKABALIW din itong si Jojo Mendrez, ang tinaguriang Revival King na under contract ng ABS-CBN Music.
Sa media launch ng kanyang latest and newest original song na Nandito Lang Ako (NLA), talaga namang pinagpiyestahan ng mga kapatid sa media ang pagiging ‘eksenador’ nitong si Jojo.
Matatag niyang sinagot ang mga tanong sa kanyang seksuwalidad dahil marami nga ang nagsasabing may something sila ni Mark Herras na ngayo’y niligwak na raw dahil may Rainier Castillo na siya?
“I refuse to answer that. Hindi na po ako magsasalita,” sagot nito sa nakakalokang tanong na niligwak niya si Mark over Rainier at may pa-segue na pinayuhan niya ang huli na huwag nang tanggapin ang offer na show sa province.
At ‘yun na nga, nilinaw niyang dahil maka-nanay at ate siya, napagkakamalan nga raw siyang bading bukod pa sa matinis at maliit niyang boses.
But then again, nabuwang ang lahat nang sa bandang huli ng media launch kung saan ipinaririnig na niya ang kanyang kantang NLA, aba’y buong-ningning at tapang na lumabas si Rainier Castillo (minus bouquet of flowers) at niyakap nito si Jojo.
Napaka-dramatic ng eksena, lalo’t naiiyak na si Jojo na gumanti rin ng mahigpit na yakap kay Rainier.
Nasaksihan na namin noong ‘80s ang mga ganitong eksena na pinag-uusapan pa rin pala kahit ngayong 2025 na. Hahahaha!
Kayo na po ang bahalang maghusga kung budol pa ‘yun o ano pa man. Basta for the sake of being fair and honest po, maganda ang boses at nakakakanta nang maayos si Jojo.
Hindi siya ‘yung tipong singer na basta na lang nagko-cover ng mga emosyonal songs at nakakabirit din. Madrama lang talaga siguro ang gustong packaging o marketing sa kanya ng mga nagpapatakbo ng kanyang singing career na epektibo naman.
Maganda ang song na NLA at sakto rin ang mensahe nito sa dream ni Jojo para sa kanyang mga mahal sa buhay.
Congratulations sa epektibo pa ring pakulo ng kaluka-lukahan. Hahaha!
Comments