Kaso ng COVID-19 sa Cebu City, bumaba na

ni Jasmin Joy Evangelista | September 19, 2021

Bumaba na ang mga kaso ng COVID-19 sa Cebu City, ayon kay Acting Mayor Michael Rama.

Mula raw sa surge na daan-daang kaso, 96 na lang ang kaso sa lungsod, dagdag niya.

Downward trend na aniya ang nakikita sa Cebu City at dati na ring ipinatutupad ang mga granular lockdown.

Samantala, umabot na sa 600,000 ang nabakunahan sa Cebu City mula sa target na 700,000.

Pero ayon kay Rama, plano pang taasan ang target na mabakunahan.

Sisimulan na rin umano ang pagbabakuna sa gabi para mas marami ang mahikayat na maturukan.