ni Julie Bonifacio - @Winner | August 16, 2022
Nagpasaring ang British-Thai businessman na si Tim Connor sa mga Marites sa social media.
Nadadawit kasi si Tim sa maiskandalong hiwalayan ng dating beauty queen na si Maggie Wilson at ng bilyonaryong negosyante na si Victor Consunji.
Si Tim ang inili-link kay Maggie at kasama sa kasong isinampa ni Victor na adultery. Pero ayon kay Maggie, magkaibigan at business partners lang sila ni Tom.
Dahil d’yan, item na sina Tom at Maggie ng tsikahan sa socmed. Kaya naman may patama si Tim sa mga Marites sa kanyang post sa Instagram last Sunday, August 14.
“If gossip (chismis) were an international sport, the Philippines would win medal after medal,” caption ni Tim sa picture post niya habang nakatingin sa kanyang laptop.
Sa IG post na ‘yan ni Tim, na-reveal na nakaalis na pala siya ng Pilipinas at nakabalik na sa London, United Kingdom.
Umalma naman ang mga netizens sa post ni Tim.
“'Di rin! Maraming mas malala, UK tabloids for starters...”
“'Di naman magkakatsismis kung 'di dahil sa sarili n'yong mga circus sa buhay. Ba't naman 'yung mga nananahimik na alta de sociedad, eh, 'di naman napag-uusapan? Kayo rin gumagawa ng sarili n'yong ikakatsismis.”
“Feeling yata niya, everyday siyang nasa headline.”
“Echosera si kuya. Buti nga, pinag-uusapan ka pa naming mga chismosa, eh, haha!”
“Heller! Your country Thailand is more taleteller than 'Pinas. Been here workin'. Even professional are super Marites. 555!”
“Look, gossiping is a common trait of humans. It’s very petty to single us Filipinos out, knowing fully he is involved with a very much married and public Filipina personality. It’s better if he doesn’t add fuel to the fire. Y’all just stay out of social media if you want privacy.”
So, there!
Comments