ni Julie Bonifacio - @Winner | June 12, 2021
Nagpapagawa na ng bahay ang soon-to-be-wed celebrity couple na sina Angel Locsin at Neil Arce. Ito ang ibinunyag ni Angel during her interview sa ineendorsong beauty clinic.
Last week lang in-upload ang video ni Angel nu’ng binisita niya ang beauty clinic ng famous celeb surgeon na si Dra. Aivee Teo.
Tapos nang magpa-treat si Angel sa video at nagkukuwentuhan na lamang sila ni Dr. Aivee para ihatid ang Kapamilya actress palabas.
Mahigit isang minuto lang ang video pero na-reveal na naumpisahan na ang bahay na titirhan nina Angel at Neil pagkatapos ng kanilang kasal.
Mukhang klaro na wala nang makakapigil pa sa couple na ituloy na finally ang naudlot na wedding sana nila last year.
“Mag-isa lang sa bahay, parang… so, bahay-bahayan. Ang saya lang. Pero nagko-compromise naman kami. Kay Neil naman kasi, parang kung ano ‘yung gusto niya, gusto ko rin. Sana naman, gusto rin niya ‘yung mga gusto ko. Pero nage-gets niya,” panimulang tsika ni Angel kay Dr. Aivee.
Pagpapatuloy pa ni Angel, “(Pero) Hindi niya nage-gets ‘yung gusto kong magkaroon ng closet for the broom. Hindi niya naiintindihan ‘yun. Kokontian ko na lang ‘yung case kasi kailangan ko nang mag-compromise. Kasi gusto ko talaga ‘yung broom closet.”
Tinanong si Angel ng beauty expert kung priority niya talaga ang broom closet sa ipinapatayo nilang bahay ni Neil.
“'Yun ang una kong ipinagawa, promise, kesa sa kitchen ko,” sabay tawa ni Angel.
Habang nagtsitsikahan ang Kapamilya actress at ang beauty surgeon, maririnig sa video ang boses ni Neil na sumasali rin sa usapan.
Hindi lang pala sa pagda-diet niya busy si Angel, huh? At least, focus na talaga si Angel sa kanyang paglagay sa tahimik with Neil this year.
Comments