ni Jasmin Joy Evangelista | November 16, 2021
Inatasan ni Pangulong Rodrigo Duterte si Cabinet Secretary Karlo Nograles bilang Acting Presidential Spokesperson.
Ito ay matapos mag-file ni Harry Roque sa pagka-senador.
Sa kanyang pre-recorded Talk to the People, tinalakay ni Pangulong Duterte kay Nograles ang tungkol sa kandidatura ni Roque.
"Alam mo once you file your certificate of candidacy, automatic 'yan out ka na sa gobyerno. No other formal ritual is needed," ani Duterte.
"So kung maari, ikaw (Nograles) na lang sana ang acting na muna until we find a replacement. I don't want to burden you with so much. Alam ko ang paper work dadaan sayo," sabi ni Duterte kay Nograles.
Kahapon ay nag-file si Roque ng COC sa pagka-senador sa ilalim ng partidong Peoples' Reform Party (PRP). Pinalitan niya si Paolo Martelino.
Comments