ni Mercy Lejarde - @Showbiz Talkies | October 11, 2022
First time na-meet ni yours truly in flesh and blood ang former Hashtags member ng It's Showtime na si Luke Conde sa contract signing nito bilang newest endorser ng Hanford briefs and in pernes, puwede siyang maging another Alden Richards in the making, ha?!
And take note, bago siya nag-sign ng contract sa Hanford management ay humirit muna itey ng isang kanta and oh-la-lah, hindi lang siya nagtataglay ng poging fezlak at wankatitat na oozing with sex appeal — na hindi lang mga girlash ang puwedeng mainlabey kundi pati na ang mga baklitas at matronas, sa true lang — maganda rin ang boses ni Luke!
'Niwey, after ng kanyang contract signing sa Hanford ay nagkaroon ng Q&A portion at isa si yours truly sa mga nagtanong that goes…
"Pardon my question, Luke, ang pagsusuot mo ba ng Hanford brief ay hindi nakakaasiwa sa sex organ mo? As in comfortable ka ba?"
"Yes po. Kasi po ever since naman po, kahit hindi pa po ako artista ay ginagamit ko na ang Hanford brief brand at comfortable naman po siyang isuot talaga," ang kanyang naging kasagutan.
Nagkaroon din ng pagkakataon si yours truly na matanong itey sa one-on-one tsikahan.
"Luke, do you believe na ang pagsusuot ng brief ng mga lalaki ay nakakatulong to prevent prostate cancer?" asked ni yours truly up close and personal, in pernes.
"Ahhh, I'm not the right person to answer that question. Pero I think, nasa may katawan pa rin 'yun, eh. Kasi may mga tao na mas relaxed 'pag may suot if they can wear brief at may mga tao naman na mas relaxed if they were not wearing it. Depende pa rin 'yun sa tao or sa may katawan," katwiran niya with matching nakakakilig na mga ngiti, boom, ganern!
And take note, puwede rin daw isuot ang Hanford brief ng mga baklitas at tomboyitas, if you care to know, mga Maritess, Marisol at Mosang.
Meanwhile, bukod kay Alden Richards na may dimples, napansin din naming malaki ang pagkakahawig ni Luke kay Tom Rodriguez na estranged husband ni Carla Abellana.
And take note, pag-amin ni Luke, pangarap din niyang makatrabaho si Carla. Kaya Tom out, Luke in na ba kay Carla?
'Yun na!
Comments