ni Ador V. Saluta @Adore Me! | September 1, 2023
Para kay Andrea Brillantes, hindi pa raw niya nakikita ang sarili na muling papasok sa isang relasyon, pero open naman daw siya sa ideya na makipag-date.
“As you all know, it's been a couple of months na naging single ako and I’m not looking for a man or commitment, not a boyfriend as of right now,” sabi ni Andrea.
Matatandaang nitong mga nakaraang buwan ay naging kontrobersiyal ang split-up nila ng basketball player na si Ricci Rivero.
Dahil naka-move on na sa nangyari sa nakaraan niyang affair with Ricci, ipinahayag nito sa isang vlog ang ilang celebrities na gusto niyang maka-date gaya ng anak ni Ina Raymundo na si Jakob Poturnak na nag-aaral sa England at isang football player sa pinapasukang university.
Binanggit din ni Andrea ang sikat na 7’3 basketball player na si Kai Sotto na nais din niyang maka-date.
Nakarating na kay Ina Raymundo ang viral na pahayag ni Andrea na nais nitong maka-date ang kanyang six-footer Filipino-Ukrainian na anak.
Sa kolum ni Giselle Sanchez sa isang broadsheet nitong August 29, 2023, ibinahagi ng TV host-comedienne na naka-dinner niya si Ina noong Biyernes, August 25, at saglit nilang napagkuwentuhan ang vlog ni Andrea.
Ipinarating ni Giselle kay Ina ang pahayag ng Kapamilya star. Sabi naman ni Ina, gusto rin niya si Andrea at “flattering” ang naging pahayag nito tungkol kay Jakob.
Pero, hindi raw niya hawak ang anumang gusto o ang anumang pagpapasya ng kanyang anak tungkol sa mga naging pahayag ni Andrea para rito.
Sabi ni Ina, “I like Andrea, and I find her comments flattering and amusing. It’s raw and unfiltered.
I am also not sure if she was serious or just kidding around.
“Unfortunately, I cannot decide for my kids Jakob and Erika on their choices and love life. It’s really up to them. Also, the two are too busy in school abroad to comment on this.”
Sa vlog ni Andrea na lumabas noong August 21, napagkatuwaan nila ng kanyang mga kaibigang babae na maglaro ng "Date or Pass" game kung saan sasabihin nila kung ide-date o magpa-pass sila sa mga babanggiting male celebrities.
Isa sa mga nabanggit na pangalan ay si Jakob kung saan sinabi ni Andrea na nais niya itong maka-date.
Ibinahagi pa ng actress-vlogger na mayroon na silang encounter noon.
“I would definitely date. Gusto ko lang sabihin na dati, nagpakilala siya sa akin. I was with Bea.
Kaso, ka-holding hands ko ‘yung ex ko nu’n. Tapos, nagpakilala siya sa akin. Sabi niya, ‘Hey, I’m Jakob.’
“Guwapung-guwapo na ako sa kanya dati pa,” kinikilig pa nitong sabi tungkol sa anak ni Ina.
Pahabol pa niyang mensahe kay Jakob, “Hi, Jakob! If you’re watching, I’m single now.”
Umani ng negatibong komento mula sa ilang netizens ang pagpaparamdam umano ni Andrea kay Jakob. Para raw kasing hindi maganda sa isang babae na gumagawa ng first move sa mga lalaki.
Pero, hindi ito inalintana ni Andrea at patuloy lamang siya sa kanyang trabaho.
Komento ni Wilryan na isang US citizen, “Parang ang trip ni Andrea ay mga sporty at virgin boys pa. Eh, kasi, mga bata pa at full of energy.”
Comments