ni Estrellia de Luna @Panaginip Gabay ng Buhay | July 1, 2024
Analisahin natin ang panaginip na ipinadala ni Remy ng Iba, Zambales.
Dear Maestra,
Palagi kong napapanaginipan na sanggol pa umano ako. Noong nakaraang gabi naman, napanaginipan ko na musmos ako, at inaalagaan ako ng mama ko habang nakayakap sa kanyang bisig.
Ano ang ibig sabihin ng panaginip ko?
Naghihintay,
Remy
Sa iyo, Remy,
Hindi maganda ang ibig sabihin na ikaw ay isang sanggol, ito ay kasawian, kalungkutan at problemang hindi maiiwasan.
Samantala, ang panaginip mo na musmos ka pa, at inaalagaan ka ng iyong ina, ito pahiwatig na magtatagumpay ka sa negosyo at magiging maligaya ang love life mo.
Pero kung may asawa ka na, ito ay babala na hindi magiging stable ang buhay mo sa piling ng iyong asawa, palagi kayong magtatalo kahit na sa maliliit na bagay, at hindi rin magkakaroon ng kapanatagan buhay mo.
Matapat na sumasaiyo,
Maestra Estrellia de Luna