Kahulugan ng panaginip na sobrang lungkot at walang pag-asa

ni Estrellia de Luna - @Panaginip gabay ng buhay | March 26, 2021

Analisahin natin ang panaginip na ipinadala ni Auring ng Zamboanga.

Dear Maestra,

Napanaginipan ko na sobrang lungkot ko at halos mawalan na ng pag-asa sa buhay. Naisip kong puntahan ang matalik kong kaibigan upang makipagkuwentuhan, subalit siya rin pala ay sobrang malungkot dahil sa sitwasyon na dinaranas natin ngayon. Ano ang ibig sabihin nito?

Naghihintay,

Auring

Sa iyo, Auring,

Ang sobrang kalungkutan sa iyong panaginip ay nangangahulugang kabaligtaran sa tunay na buhay. Ibig sabihin, liligaya ka na sa wakas at isang hindi inaasahang pangyayari ang magdudulot sa iyo ng kaligayahan. May kaugnayan ito sa iyong pamilya, kung saan isa sa mga miyembro ng pamilya mo ang susuwertehin at pagpapalain. May promotion siyang matatanggap sa kumpanyang pinapasukan niya bukod pa sa pera at iba pang regalo galing sa may-ari ng kumpanya.

Ang buhay ng tao ay sadyang ganyan. Sa kabila ng kalungkutan, may kaligayahan. Sa bawat pagluha, may kasunod na biyaya.

Matapat na sumasaiyo,

Maestra Estrellia de Luna