ni Beth Gelena @Bulgary | Feb. 24, 2025
Photo: Anne Curtis sa It's Showtime
Naloka si Anne Curtis sa warm welcome na ibinigay ng It’s Showtime (IS) hosts nitong nakaraang Sabado.
Ang tagal kasing walang appearance ng Aussie-Pinay actress-host sa noontime show, kaya ganoon na lang siya ka-miss ng mga kapwa hosts.
Sinorpresa nina Vice Ganda si Anne. May magko-concert umano na artists para sa late birthday celebration ng misis ni Erwan Heussaff.
Na-amaze naman ang TV host-actress at buong-ngiti na pakikinggan daw niya ang paborito niyang kinakanta kung sino man ang surprise artists na kanilang inimbitahan.
Pero laking gulat niya nang dalhin siya ni Vice sa gitna sabay announce na si Anne pala ang actual na kakanta. Lalong na-surprise si Anne dahil hindi raw siya ready at walang praktis.
Hindi na nakatanggi ang birthday girl nang mag-umpisa nang tumugtog ang banda, impromptu ay napakanta na si Anne nang live.
Kesehodang paliku-liko ang boses niya, pero nasa kondisyon pa rin kahit na panay ang birit niya.
Post ni Anne sa kanyang Instagram (IG) Stories, “What a great way to end my birthday week, with my Showtime family and the madlang people. A sponty surprise by giving me an impromptu birthday prod number (buti na lang Karaoke Queen ako) instant Showtime Core Memory for me. One for the books. Swipe to see all the craziness. Ahhh missed them so much! Thank you my Showtime family! Love you all!”
Komento ni Ogie Alcasid, “Absolutely adorable with your sponty prod dear.”
At sey ng mga netizens… “Hindi na kailangan ng rehearsal, OPM Dyosa namin ‘yan.”
“So so so fun. Thought you won’t get to celebrate your birthday on Showtime and won’t have prod anymore but it was even better. What a way to mark your 40th birthday (15th on the show!!!) Thank you so much for the instant serotonin boost whenever you're present. We love you so much and we’re already counting the days until you'll be back again.”
“THE BEST BDAY PROD SO FAR! OUR KARAOKE QUEEN NEVER FAILS TALAGA, HAHAHAHA.”
“Hindi complete ang It’s Showtime kapag walang Anne Curtis.”
“Hahaha! Kabisado lahat ng lyrics talaga.”
Isinugod sa hospital ang It’s Showtime (IS) host na si MC Muah due to kidney stones.
Dinala sa hospital ang comedian-actor dahil sa sobrang pananakit ng kanyang lower back at hirap sa pag-ihi. Napag-alaman na may sakit sa bato si MC at kaya hirap mag-pee dahil nakabara na ang bato sa dinadaanan kapag siya ay umiihi.
“‘Yung kidney stones ko, dinurog. Shinockwave. So ngayon, wala na s’ya, durog na s’ya. Ilalabas ko na lang s’ya,” ani MC.
“Masakit ‘yung likod at nahihirapan akong umihi. Sa executive check-up pa lang, nakita na. So ini-schedule agad-agad kasi ‘yung bato, bumaba na sa pantog. Kaya masakit na tuwing umiihi.”
Get well soon, MC!
Commentaires