ni Julie Bonifacio @Winner | March 7, 2024
Ipinost ni Sid Lucero sa kanyang Instagram ang simple but sweet message ng pag-alala niya sa kanyang “Tita Jane” na si Jaclyn Jose (SLN).
Piniktyuran ni Sid ang suot niyang black t-shirt na may malaking logo ng 69th Cannes Film Festival.
Sa special red carpet screening ng pelikula nila ni Rhian Ramos, ang Miss Probinsyana, directed by Jenny Pearl Bautista-Ninalga, ikinuwento ni Sid ang story behind his IG post.
Ayon kay Sid, “Yeah, that shirt was from her and it was the year she won. In fact, I wasn't able to wear that for like five years, 'coz I had to lose weight. And then finally, nasuot ko siya kanina.
“And the funny thing, I was about to go to the wake. Family and friends only, sa first night. And I was like, 'What I'm gonna wear?'”
Patuloy niya, “I randomly picked and that was that. And I’m like, 'Wahh-ugh… I need to take (a) picture,’ ganyan.
“Funny thing, (Direk) Adolf Alix posted that same exact post, uhm, picture. But instead of a shirt, it was the poster of the same year of Cannes. Nakakatuwa.”
Kasama ni Sid sa kauna-unahan niyang pelikula si Jaclyn.
Ani Sid, “My very first acting lesson was with her. She was there when my Dad (Mark Gil) was taking care of me. Nu’ng tinuli ako,” kasunod ang malakas na tawa ni Sid.
“Tita Jane is not just Tita Jane. She’s one of my other moms. She’s always my mom, eh.
She’s my partner's mom. It’s the little tiny joke that we have. She’s my mom,” sey ng aktor habang inaalala ang namayapang aktres.
Well, dating model-beauty queen na si Bing Pimentel ang tunay na ina ni Sid. After Bing, nagsama na ang dad niyang si Mark at si Jaclyn. Pero sa second night ng wake ni Jaclyn ay dumating si Bing.
On her sister naman na si Andi Eigenmann, love and hugs daw ang ipinakita niyang suporta rito. Alam kasi ni Sid kung gaano kabigat for Andi ang pagkamatay ng kanyang ina. And knowing pa na sa kanilang magkakapatid and the rest of his Eigenmann cousins, ulila na si Andi sa kanyang mga magulang.
Anyway, kailangan nang tapusin ang interbyu kay Sid dahil manonood pa siya sa special screening ng Miss Probinsyana in celebration of International Women’s Month, sa loob ng Metropolitan Theater.
Sa Miss Probinsyana lang pala sila magkakaroon ng eksena ni Rhian Ramos na matagal-tagal na rin niyang nakakasama sa mga drama series.
Say ni Sid, “Oh, Rhian is so easy to work with.”
Marami na rin daw nagawang advocacy films si Sid kaya happy siya na napasama sa pelikulang Miss Probinsyana na ang tema ng kuwento is about women empowerment.
Target public screening ng Miss Probinsyana is either on the third or last week of April, 2024.
The movie is produced by Impact Media Convergence Inc. and presented by Globe Impact Productions Inc.
コメント