ni Janiz Navida - @Showbiz Special | December 15, 2022
Dati, nakikita lang namin siya sa social media na pasilip-silip sa mga bintana ng bahay kapag nagsimula na ang buwan ng Setyembre, pero kahapon, personal na naming nakaharap at naka-selfie pa ang kumanta ng sikat na sikat na Christmas OPM na Christmas In Our Hearts na walang iba kundi ang respetado at well-loved singer na si Jose Mari Chan.
Ginawaran kasi ng parangal ng Federation of Filipino Chinese Chambers of Commerce & Industry, Inc. (FFCCCII) ang music icon na si Jose Mari L. Chan ng Lifetime Achievement Award sa ginanap na Pandesal Forum ng Kamuning Bakery Cafe in Quezon City kahapon, Dec. 14.
Pinangunahan nina FFCCCII President Dr. Henry Lim Bon Liong, Vice-President Cecilio Pedro, Vice-President & Adviser of FFCCCII Public Information Committee Jeffrey Ng, and FFCCCII Public Information Committee Chairman Wilson Lee Flores ang pagbibigay ng big Plaque of Honor at special medallion kay Jose Mari Chan.
Special guests naman sa event sina China Ambassador Huang Xilian and Cebu City Mayor Mike Rama.
Bukod sa naturang award, inianunsiyo rin ni Dr. Lim na sumulat na sila sa National Commission for Culture and the Arts (NCCA) para i-nominate si Jose Mari Chan as National Artist dahil sa napakalaking contribution ng singer-composer sa Philippine Arts and Culture.
Tiyak na wala namang kukuwestiyon d'yan lalo't sa loob ng 57 yrs. na sa music industry ni Sir Jomari (palayaw ni Jose Mari Chan), madlang pipol na nga ang nagbigay sa kanya ng titulo bilang "Father of Christmas Music".
At isa pa, ang kanyang pinasikat na kanta na Christmas in Our Hearts ay 3 dekada na pala nating naririnig at hanggang ngayon, patuloy pa rin nating kinakanta.
But as humble as he is, ayaw daw i-consider ni Jomari ang title na 'yan dahil ang katwiran niya, "Music is God's gift. I only write songs but the music comes from God."
True naman!
At nakakatuwa ang pagiging humble at down-to-earth ni Sir Jomari na tipong nag-mini-concert pa sa Pandesal Forum dahil pinagbigyan niya ang lahat ng request ng mga nandu'n.
Ang good news ni Jose Mari Chan, soon ay maglalabas daw siya ng bagong Christmas album na may compilation ng kanyang mga bagong kanta, kaya salamat naman at bukod sa Christmas In Our Hearts at A Perfect Christmas ni Sir Jomari, may mga bago na tayong kakantahin.
Comments