ni Eli San Miguel @Sports News | July 3, 2024
Nakatakdang magdala ng sulo ng South Korea ang BTS member na si Jin para sa 2024 Paris Summer Olympics. Iniulat ng Korea Times na lilipad patungo sa France ang K-Pop star para lumahok sa Summer Olympics na magsisimula sa Hulyo 26. Hindi pa inaanunsiyo ang eksaktong lokasyon ng event.
Ang Summer Olympics ay isang major international multi-sport event na karaniwang ginaganap kada apat na taon.
Ngayong taon, magaganap ito sa Paris mula Hulyo 26 hanggang Agosto 11. Sa ngayon, may naitalang hindi bababa sa 15 atleta mula sa Pilipinas para sa Paris Games at inaasahang mas dadami pa habang papalapit ang Olympics.
Samantala, kamakailan lamang ay malugod na sinalubong ng mga fans ang pagtatapos ni Jin sa kanyang military service noong Hunyo 12 matapos mag-serve ng 18 buwan. Nag-enlist siya noong Disyembre 2022.