ni Angela Fernando @Overseas News | Oct. 13, 2024
Photo: Circulated / AP
Nagbanta ang hukbong sandatahan ng Israel na papuputukan ang mga ambulansya sa southern Lebanon, dahil sa sinasabing maling paggamit ng Hezbollah dito. Kasabay nito, nag-utos din ang Israel na lumikas ang mas marami pang mga baryo sa rehiyon.
Sumunod ang kanilang babala matapos tamaan ng puwersa nila ang mga posisyon ng United Nations Interim Force in Lebanon (UNIFIL), na nagresulta sa pagkasugat ng ilang mga peacekeepers.
Matatandaang inakusahan kamakailan ng tagapagsalita ng hukbong sandatahan ng Israel na si Avichay Adraee na ginagamit ng Hezbollah ang mga ambulansya para maglipat ng mga tauhan at armas ngunit hindi siya nagbigay ng anumang ebidensya upang patunayan ang akusasyon.
Comments