Isa pang brand ng COVID-19 antigen self-test kit binigyan ng sertipiko ng FDA

ni Jasmin Joy Evangelista | February 11, 2022

Binigyan na rin ng sertipikasyon ng Food and Drug Administration (FDA) ang isa pang self-administered COVID-19 test kit.

Ito na ang ikatlong self-administered COVID-19 test kits na sertipikado ng FDA matapos maaprubahan ang paggamit ng antigen self-test kits ng Abbott Panbio at Labnovation Technologies.

Ito ay nasal swab test kit ng MOHS Analytics Inc., na may 96.43 porsiyentong sensitivity na ma-detect ang COVID-19, ayon sa performance evaluation ng Research Institute for Tropical Medicine.

Base sa updated circular ng Department of Health (DOH), ang bawat self-test kit ay dapat na ibenta sa halagang hindi lalagpas sa P350, gayundin ang retail price cap sa rapid antigen test kit na kailangan ng professional medical assistance sa paggamit.

Hanggang P660 naman ang puwedeng ipresyo rito kung ipapatong ang operation cost sa mga laboratoryo kasama na ang test kit.