ni Lucille Galon @Entertainment News | June 28, 2024
Humingi ng tulong si Barbie Imperial sa publiko na i-mass-report ang Facebook page na nagpapakalat ng fake news na siya ay buntis sa anak nila ni Richard Gutierrez.
Sa kanyang Facebook (FB) account ay ipinost niya ang screenshots ng Showbizfinds na isang Facebook page na may 119,000 followers para ipakitang ito ang nagpapakalat ng maling info tungkol sa kanya. Sey ni Barbie, “This page is posting lies and things that I never said. Please report.”
Matatandaang sinabi na ni Ogie Diaz na siya ay may reliable source na sina Barbie at Richard nga ay “exclusively dating.” Nakita rin ng mga netizens ang mga posts ni Barbie na parang ang aktor nga ang kasama niya.
Anyway, hanggang ngayon ay wala pa ring pahayag sina Barbie Imperial at Richard Gutierrez na mag-on nga sila. Well, sey ni Barbie, lahat daw ng magre-report sa nasabing FB page ay magkaka-dyowa. Kaya sa mga single na ka-BULGAR d'yan, galaw-galaw. Chariz!