MGA EMPLEYADO NG DOS PATI MGA NATANGGAL, MAY X'MAS BONUS PA RIN
Julie Bonifacio - @Winner | December 11, 2020
Tunay na may hatid na liwanag at ligaya ang Kapaskuhan hindi lang sa mga natirang Kapamilya stars and employees pagkatapos ipasara ang ABS-CBN, kundi maging sa mga na-retrench na manggagawa during the pandemic.
Sa kabila ng pagkalugi ng almost P4 bilyon ng giant network dahil sa naging desisyon ng Kongreso na i-deny ang bagong prangkisa nito, sinikap pa rin ng Kapamilya Network na bigyan ng bonus ang kanilang mga empleyado pati na ang mga natanggal.
Ilan sa mga dating empleyado na nakatanggap ng kanilang bonus ang 'di napigilang i-post ang nararamdaman nilang saya.
Sabi ni Janya Regalo (Janyx), "Despite being harassed by the state and franchise got denied, ABS-CBN didn't forget us, the retrenched talents this Christmas. A surprise holiday cash gift came early. Salamat, Kapamilya."
"Ughh, I can't thank ABSCBN enough. Nakakatawa lang kasi one of the reasons kaya ito ipinatigil, dahil "daw" sa trato nito sa kanyang empleyado. Pero look at us having our separation pay plus Christmas bonus and incentives even though since nu'ng August pa kami retrenched."
Tweet naman ng dating host sa FM radio ng ABS-CBN na si DJ Jhaiho, "Grabe ka magmahal ABS-CBN! Maraming maraming salamat. Woohoooo!"
Nag-express din ng kanyang saloobin ang writer ng It's Showtime na si Alex Calleja sa kanyang social media accounts.
"How can you not love a company that still gives no matter what the situation is! Salamat ABS-CBN. #KapamilyaForever."
Last but not the least, ini-retweet naman ng komedyante-host-director na si John Lapus ang ipinost ni Janyx sa Twitter.
At heto ang mensahe ni John sa retweet niyang post ni Janyx, "Sobra! Iyak ako nang iyak. Salamat ABS-CBN."
Bukod d'yan, meron na ring na-retrench na empleyado ng ABS-CBN ang nakatanggap ng sulat notifying them na pinababalik sila to work again sa giant network.
Winner!
Comentarios