KUNG SINO PA ANG MGA BAGUHAN, BIGLANG-SIKAT AGAD.
ni Beth Gelena - @Bulgary Files | September 05, 2021
May hinaing pala si Andrea Brillantes hinggil sa kanyang showbiz career. Tipong may halong inggit ang emote ng young actress sa ibang mga newbie young stars na sumisikat agad.
Sa interbyu sa kanya ng ka-love team na si Seth Fedelin sa online show nitong The Boom, natanong si Andrea tungkol sa kanyang career. Diretsong sagot ng young actress, masakit para sa kanya na may mga baguhan sa showbiz na mabilis nakaka-achieve ng kanilang goal.
Ibig sabihin ni Andrea, mga kabagu-bago lang daw, pero sikat na agad.
“Ang tagal ko na kasi sa showbiz, ‘di ba? Sobrang sakit sa ‘kin na 'pag may mga bagong dumadating, sikat na sila agad.”
Patuloy pa ng young actress na tila may hinanakit sa dibdib, “Na ako 'yung hindi na kailangan na... ang sakit… parang plato na binasag ako. 'Yun ako, ako 'yung plato, sa tuwing nakikita ko ang lahat ng taon na pinagtatrabahuhan ko.”
“Lahat ng taon na dasal nang dasal ako para makuha iyon, tapos, hetong bagong 'to, makukuha n’ya lahat. Makikita ko s’ya diyan.”
Tanong pa niya sa sarili, ano raw ang kulang sa kanya, nagdarasal naman daw siya araw-araw.
“Ilang taon na… tapos mapupunta lang sa iba. Ano'ng kulang sa ‘kin? Ano pa ba'ng dapat kong gawin? Ang sakit-sakit… ang sakit-sakit.”
Sa YouTube Channel na Showbiz Update nina Mama Loi at Ogie Diaz, pinagsabihan ni Ogie ang young actress.
Aniya, “Ganu’n talaga ang buhay. Ang importante, nakasayad ang pareho mong paa sa lupa kahit hindi ka, anak, biniyayaan ng magandang height. Ang importante, alam mo kung saan ka nakatapak.”
Iba-ibang komento mula sa mga netizens ang natanggap ng young actress.
May mga nakakaintindi sa hinaing ni Andrea dahil matagal na nga naman daw itong nag-aartista since bata pa siya, at meron din namang hindi.
May nagsasabi namang selfish at ungrateful daw ang dating ng kanyang sagot dahil ang gusto niya ay siya lang ang sumikat.
Meron pang nagtanong kung si Francine Diaz na kasama niya sa Huwag Kang Mangamba ang pinasasaringan ni Andrea.
Kaya raw ba naghihimutok ang young actress ay dahil kinuha ng celebrity doctor na si Dra. Vicki Belo bilang beauty ambassador si Francine?
Comentarios