ni Beth Gelena @Bulgary | Nov. 13, 2024
Photo: Maris Racal at Dra. Vicki Belo's channel / YT
Nakatanggap ng bongga at mamahaling regalo si Maris Racal mula kay Dra. Vicki Belo.
Sa uploaded video ng celebrity doctor kung saan iniinterbyu niya ang aktres habang nagpo-photoshoot sila sa kanyang beauty clinic ng produktong ineendorso ng young singer/aktres, sa bandang ending ay makikitang inaabutan ni Dra. Vicki ng expensive bag ang aktres mula sa isang Italian luxury fashion house, ang Bottega Veneta, na siyempre ay ikinasiya ni Maris.
Ayon kay Maris, matagal na niyang gusto na magkaroon ng ganoong bag kaya laking-pasasalamat niya kay Dra. Belo.
Sa website ng Bottega Veneta, the ‘Large Parachute’ bag costs $5,900 which is equivalent to P346,285.
May heartfelt anniversary message si Erwan Heussaff para sa misis na si Anne Curtis sa kanilang 14th anniversary as a couple.
Nag-post siya ng series of photos nu’ng sila ay nag-uumpisa pa lang as a couple hanggang sa present relationship nila as husband and wife with their kid, Dahlia.
Aniya sa caption, “A few more wrinkles, fuller faces, tired hands, shades of lipstick, sunburns, questionable fashion choices, thousands of pictures, a few of them posted, most of them simply cherished and countless meals later.
“Throwback to when we officially became ‘us’. 14 years, 7 of them married and 4 as a unit of 3 today.”
Nakakatuwa ang mga komento ng mga netizens tulad ng isa na nagsabing “More years to come, Anne Curtis at asawa ni Anne Curtis.”
Pinangatawanan talaga ang pagtawag kay Erwan na ang ‘asawa ni Anne Curtis’.
Sina Anne at Erwan ay ikinasal nu'ng November 2017 sa New Zealand. May isa silang anak, si Dahlia Amélie Heussaff, who is 4 years old already.
NASA Season 2 na ang Lavender Fields (LF) nina Jodi Santamaria, Albert Martinez, Janine Gutierrez at Jericho Rosales.
Lalong nae-excite ang mga avid followers dahil unti-unti nang nalaladlad ang tunay na katauhan ng mga karakter nila sa story. Samu’t saring komento ang mga posts ng mga netizens.
May mga nagsasabing dapat daw ay sina Tyrone (Echo) at Iris (Janine) ang magkatuluyan sa bandang huli. Sina Jasmine (Jodi) at Agent Fernandez (Albert) naman ang gusto ng ibang mga fans.
May nagsasabing ‘sakim’ sa pagmamahal si Iris at siya raw umano ang nagpapatay kay Ivy (Roxanne Guinoo), ang asawa ni Agent Fernandez at sa kanilang anak. Maging ang anak ni Maricel Soriano na si Marigold na nawawala ay si Iris din umano ang may gawa.
May konek daw kasi ang apo ni Maricel sa Benavidez family (pamilya ni Iris).
Conclusion kasi ng mga netizens ay kapatid ni Iris ang apo ni Maricel dahil anak umano ito ni Edu Manzano, ang ama ni Iris.
Ayaw na ayaw daw kasi ni Iris na may kahati sa pagmamahal ng mga taong mahal niya.
Sey ng mga netizens:
“Grabe, nakaka-excite, happy ending for TyRis, please?”
“Nakaka-excite, ‘wag n’yo kaming bitinin. Dapat in the end, magkatuluyan sina Agent at Lav.”
“The Season 2 is giving. This is what we’ve been waiting for. Papunta na tayo sa exciting part.”
“Kapatid ni Iris ang anak ni Marigold, parang may relasyon sila ng dad ni Iris.”
“Sana, TyRis pa rin ang ending, bilang sila naman ang mag-asawa.”
“So sad. We don't have this on Malaysia’s Netflix.”
Wala pa ngang ending ang teleserye, pero ang mga avid viewers ay ang dami nang conclusion.
Hay, pinangungunahan ninyo ang LF, 'noh? Be quiet na lang and wait for the ending.
Comments