ni Julie Bonifacio @Winner | Sep. 27, 2024
Buti pa ang ex-girlfriend ni Jake Zyrus na si Alyssa Quijano ay back in the circulation again. May balitang engaged na siya sa kanyang boyfriend, as in lalaki talaga, ha?
Si Alyssa ang huling karelasyon ni Jake Zyrus (dating Charice Pempengco) na pinag-usapan nang todo.
At si Alyssa rin ang sinasabing naging mitsa ng “away” ni Jake at ng ina nito na si Racquel Pempengco. Mas pinili raw kasi ni Jake si Alyssa over her mom na tutol na tutol sa kanilang relasyon.
Hmmm… sounds familiar.
Anyway, ipinost ni Alyssa sa kanyang Instagram (IG) account ang mga larawan sa naganap na proposal ng kanyang boyfriend last week.
Caption ni Alyssa sa kanyang IG post: “09.16.24 The easiest ‘YES’ I’ve ever said! Can’t wait to spend forever with you Mahal! I love you!”
Naka-tag sa post na ito ni Alyssa ang pangalang Daryus Dar. In-speculate tuloy ng mga netizens na ito ang pangalan ng fiancè ng dating X Factor Philippines contestant.
Duda pa ng mga netizens, naka-move on na si Alyssa kay Jake since 2017 pa. This is also the same timeline ng mga posts ni Alyssa ng picture nila ng kanyang boyfriend pa noon, na ngayon ay fiancé na niya.
Habang si Jake ay nananatiling tahimik sa socmed. Wala tayong makuhang update kung may love life siya ngayon at kung ano ang latest sa kanyang showbiz career.
NAGPAALAM na sa FPJ's Batang Quiapo (BQ) si Dante, ang karakter na ginampanan ng aktor na si Dan Alvaro, nitong Martes.
Sa episode 419 ng sikat na serye, matinding aksiyon ang naganap nang muling magharap ang grupo ng mga Montenegro at ni Don Facundo sa pangunguna naman ng kanang kamay nito na si Marcelo (Nonie Buencamino).
Sa bakbakan, namatay si Dante matapos mabaril ni Ramon Montenegro (Christopher de Leon).
Nagawa namang mabaril ni Marcelo ang ama ni Ramon na si Don Julio Montenegro (Tommy Abuel).
Sa socmed, nagpasalamat at nagpaalam ang Dreamscape Entertainment sa karakter ni Dan Alvaro.
Matatandaang isa sa mga sikat na action stars si Alvaro noong 1980s na nakilala sa kanyang pagganap sa pelikulang Bagong Hari at Condemned kung saan nakasama niya
ang batikang aktres na si Nora Aunor.
Mapapanood ang BQ sa Kapamilya Channel, Kapamilya Online Live, Cinemo, A2Z, TV5, iWantTFC at TFC.
Comments