ni Ambet Nabus @Let's See | Mar. 7, 2025
Photo: Ina Raymundo - IG
Sa inilabas na photos ng isang kilalang clothing brand para sa kanilang Body of Work na featured ang iba't ibang celebrities, nakakaloka si Ina Raymundo.
At her age, marami nga siyang mga pinataob na female stars sa ganda at seksi pa rin ng kanyang katawan. Talagang halos kaedaran pa rin niya ang mga bagets star na magaganda, seksi at fresh looking.
Ilan sa mga female stars na nakakuha ng atensiyon ng maraming netizens ay sina Michelle Dee, Ara Arida, Dia Mate, Krishna Gravidez, Sunshine Cruz, Kaila Estrada, Ashley Ortega, Kira Balinger, Francine Diaz, Janine Gutierrez at Kathryn Bernardo.
Sa mga kalalakihan naman, nandiyan sina David Licauco, Jameson Blake, Derrick Monasterio, Kirk Bondad, Andres Muhlach, Alden Richards at ang SB19.
Hinahanap namin ang male counterpart ni Ina gaya ng mga kasabayan niya noon sa showbiz, pero mukhang wala talagang papantay sa kaseksihan at kasariwaan pa ring tingnan ni Ina.
Hahaha!
Bagong pakulo ni Vice…
IS, NAGKA-QUIZ SEGMENT DAHIL SA KRISIS SA EDUKASYON SA ‘PINAS
PINAG-AARALAN na ngayon ng pamunuan ng It’s Showtime (IS) kung gagawing regular segment ang Quiz V (QV).
Positibo at maganda ang reception sa naturang pakulo ni Meme Vice Ganda na bunga nga ng pagkakadismaya ng host sa tila nakakaalarmang sitwasyon ng edukasyon sa bansa.
Mga simpleng trivia questions lang naman ang itinatanong ni Vice sa kanilang live audience gaya ng mga acronyms ng government agencies at ilang mga basic na definition sa Grammar, Math at Science.
Siyempre, mayroon naman daw ‘legit’ na resource people ang show para masigurong maiiwasan ang pagkakamali kung sakali man.
Dahil dito ay marami na namang mga lider at pulitiko na tila sumasakay ngayon sa ginawang ito ni Vice Ganda.
But knowing Meme to be quite smart at madaling makaamoy ng mga oportunista, alam na siyempre niya ang gagawin.
Sana nga ay mai-level-up ni Vice ang mga ganitong panoorin sa TV.
Congrats and good luck!
SPEAKING of SB19, isa sila sa mga iniidolo at nais maka-collab ng pinakabagong P-pop group na GAT (Gawang Atin ‘To) under Viva Artists Agency, Viva Music Group at Ivory Music.
Nakilala sa viral hot cover nila ng kanta ni James Reid na Huwag Ka Nang Humirit (sabi nga ng marami ay mas nakilala pa ang kanta nang dahil sa kanila at hindi dahil kay James), binubuo ang grupo ng GAT nina Ethan David, Charles Law, Michael Keith, Derick Ong at Hans Paronda.
Nasa age group na 16-22 ang mga kyut na bagets kaya naman babies pa halos silang maituturing and yet, ‘yung klase ng galawan, sayawan at kantahan nila ay keri nang itapat at ilaban sa iba pang P-pop boy band ng bansa.
Pinag-usapan din ang rendition nila ng Marikit at naging big hit din ito among Gen Z, pero ang talagang naglagay sa kanila sa mapa kumbaga ng P-pop ay ang super viral at hit na cover nila ng Daleng Dale na umarangkada hindi lang sa socmed kundi higit sa mga music platforms here and abroad.
Welcome to the industry babies, GAT, Gawang Atin ‘To indeed.
Comments