Ideal girl, inamin na, Barbie… DAVID, GUSTONG MAG-ASAWA SA EDAD NA 35

ni Ador V. Saluta @Adore Me! | Apr. 4, 2025

David Licauco - Instagram

Dahil malakas ang chemistry ng BarDa love team, maraming umaasa na mauwi sa totohanan sina Barbie Forteza at David Licauco lalo't single na silang pareho ngayon.

Inusisa si David tungkol sa pag-asam ng kanilang mga fans, pero ayaw munang pag-usapan ng aktor ang posibilidad na may mamuong relasyon or something sa kanila, lalo na’t nakatutok daw ngayon si Barbie sa pagmu-move on.  

Sa isang panayam kay David, aniya, “I think, as of right now, Barbie is focusing on herself kasi kaka-break lang niya.  

“Ngayon, nagdya-jogging na siya, nagwo-workout, nagbabasa ng libro. Living life, really.”

Hinahayaan muna raw niya ang kapareha na maka-move on sa hiwalayan nito kay Jak Roberto.

“Ganu’n naman yata ‘pag kaka-break mo lang, kaka-single mo lang, you will try your best talaga to heal yourself.  

“To heal all the baggages from the past relationship. So, let’s give her that.”

Nasa edad 30 na si David at aniya'y naisip na rin niyang bumuo ng pamilya.  

“Oo naman, siyempre,” ani David.  

Ilang taon mula ngayon nakikita niya ang sarili na mag-aasawa?  

“Five, five, six years from now.” 

Ano ba ang isang ideal girl para sa kanya?

Aniya, “Uhm... Self-passionate. Self-aware. In touch with life. ‘Yung parang... what I mean ng self-aware is, for example, nangyayari ito, dahil, eto.  

“Kumbaga, hindi s’ya mindlessly living life. She knows what she’s doing.  

“That’s the most important thing to me. And so, I’m gonna take care of her. Understanding.”

---

Buhay ng Miss U, kaya ayaw isalibro…

“TOO MANY MEN, TOO LITTLE TIME” — GLORIA

At the age of 74, maraming nagsasabing parang ‘di tumatanda si Miss Universe 1969 Gloria Diaz.

Nakausap siya ng press sa grand mediacon ng Regal Entertainment's latest offering na Untold na pinagbibidahan ni Jodi Sta. Maria. Mag-ina ang role nila sa film na showing on April 30 mula sa direksiyon ni Derrick Cabrido.

Hindi naman nagdamot si Gloria sa kanyang beauty secret.

Aniya, “How do I maintain? By being busy, working, having many friends, ahhh, of course, my children, my apos, ah, boyfriend. But he’s not a boyfriend (na ayaw pa n’yang pangalanan), I’ve been with him 28 years already.”

Never daw siyang nag-smoke.  

“I drink a little wine but more champagne. Of course, I exercise. Massage. Steam. Hair, make-up, everything,” dagdag-chika niya.  

Natuto na rin daw siyang mag-social media kaya ‘di siya nabo-bored.

Natanong siya kung naisip ba niyang gumawa ng libro kung saan ise-share niya ang “untold” stories sa buhay niya.  

Ani Gloria, “No. Too many men, too little time,” na ikinatawa ng press dahil sa kaprangkahan ng beauty queen-actress.

Bukod kay Gloria Diaz, kasama rin sa Untold sina  Juan Karlos Labajo, Joem Bascon, Lianne Valentin, Sarah Edwards, Kaori Oinuma, Mylene Dizon, Gian Magdangal, Miggs Cuaderno, Carlo San Juan, at Elyson de Dios.

Rated R-13 ng MTRCB ang horror film na showing sa local cinemas nationwide simula sa Abril 30.