Ibinuking ng GF… JAK, GINAMIT SA SHOW ANG SELOS ISSUE KINA BARBIE AT DAVID

ni Vinia Vivar @Frankly Speaking | September 2, 2023

Inamin ni Barbie Forteza na napapagod na rin siya na paulit-ulit na itinatanong sa kanya kung nagseselos ba ang boyfriend niyang si Jak Roberto sa ka-love team niyang si David Licauco.

“Wala talaga. Sorry, ha? Kasi, parang ever since nag-pick-up ang BarDa (love team nila ni David), sumikat ang BarDa, it has always been the question — kung nagseselos ba (Jak). Hindi nga!” natatawang sabi ni Barbie nang makatsikahan namin sa grand mediacon ng bago nilang serye ni David sa GMA-7 na Maging Sino Ka Man.

“So, can we stop? Parang napapagod na akong sumagot. Hindi ko na alam kung paano iibahin ‘yung wording, ‘di ba, para iba naman sa video na ‘to, iba naman sa video na ‘to. Kasi, parang laging ‘yun ‘yung tanong, eh, wala nga at all,” dagdag pa niya.

Kahit nga raw nasa taping siya, kapag tumatawag si Jak ay mine-make sure lang nito kung nakakain na siya or kung hindi ba siya natutuyuan ng pawis.

“‘Yung ganu’n. Mas ‘yung care. ‘Yung selos, wala talaga. Diyos ko, parehas kaming aktor. Alam na namin ‘yan,” she said.

Naitanong nga rin sa kanya ang hit na hit ngayon sa online na "Anti-Selos University" ni Jak at aniya, nagsimula lang ‘yun sa ginawang meme at joke ng mga netizens.

“‘Pagka magkasama kami, tapos, nagti-TikTok siya, nanonood siya ng TikTok, ‘yun ‘yung laging lumalabas, tapos, tawang-tawa lang siya lagi.

“Tapos, nu’ng finally, naki-ride na siya ru’n sa trend, pagod na pagod siya kasi sayaw siya nang sayaw, ‘di ba? Parang every time tutugtog ‘yung kanta, super dance siya,” kuwento ni Barbie.

At dahil dito ay sobrang na-appreciate ni Barbie ang maturity ng boyfriend na hindi man lang napikon sa mga memes at pangangantiyaw sa kanya ng mga netizens.

“Nakakatuwa lang kasi he took it lightly. Coming from kung saan galing talaga ‘yung context nu’n. Kaya talagang makikita mo ‘yung maturity from Jak, kasi ganu’n niya tineyk ‘yung trend and hindi niya sineryoso.

“In fact, ginamit niya pa nga to promote his show, which I think is a very good strategy coming from him.

“So, ang saya lang kasi ang timely lang ng lahat,” sey ng Kapuso Primetime Princess.

Wala raw talagang kahit anong insecurity si Jak sa love team nila ni David at hindi rin naman daw niya binibigyan ng dahilan ang boyfriend para ma-insecure.

“I think, ‘yung insecurity naman kasi ng isang lalaki towards another guy na laging kasama nu’ng girl ay magre-reflect sa kung papaano ‘yung girl, how she is as a woman.

“And so, kung hindi insecure si Jak, kumbaga, rest-assured na wala naman akong ginagawa rin.

“So, alam mo ‘yun, it only speaks volume of how I am as a woman, how I treat my work, how serious I am with my work and kung hanggang saan lang ang work,” pahayag ni Barbie.