ni Ambet Nabus @Let's See | January 10, 2024
Maraming netizens ang nagtatanong kay Alex Gonzaga kung saan daw ba napupunta ang perang kanyang nakukuha sa pangangaroling sa mayayamang mga tao gaya ng mga senador at iba pa?
Parati raw kasing ang mga kaluka-lukahan lang na pagpapatawa habang nangangaroling si Alex ang lagi nitong ibinibida sa kanyang vlog at social media but never revealed kung saan ito napupunta.
Mahirap naman daw kasing paniwalaang pagpapatawa lang ang ginagawa nito para sa content using these famous and rich people. Walang gustong maniwala na hindi man lang daw siya naabutan ng mga ito. Or granting na nagpapagamit ang mga ito sa kanyang socmed account, sana raw ay nakakasapat na ‘yung kinikita niya sa mga vlogs niya to help others.
Or baka naman silently and secretly ay mayroong mga advocacies and programs or institutions na tinutulungan si Alex na siya ngayong idine-demand ng netizen na sana naman daw ay kanyang ipakita for transparency lalo't may gaya ni Senadora Loren Legarda na bilib na bilib sa kanyang pamamaraan ng pangangaroling.
Saan nga ba o mayroon nga ba itong napupuntahan?
コメント