ni Maestro Honorio Ong - @Horoscope| September 11, 2021
Sa may kaarawan ngayong Setyembre 11, 2021 (Sabado): Malakas ka at hindi ka mahina. Gayundin, nasa isip mo lang ang mga negatibong pananaw. Kumilos ka at makikita mong ikaw ay mas malakas pa kaysa sa mga pangkaraniwang malakas.
ARIES (Mar. 21-Apr. 19) - Hawakan mo ang nasa iyo na. Ang hindi pa sa iyo ay puwede ring mapasaiyo. Ang importante ay patuloy kang kumikilos para madagdagan pa ang nasa iyo na. Ito ang mensahe para sa iyo. Masuwerteng kulay-blue. Tips sa lotto-11-19-20-24-39-33.
TAURUS (Apr. 20-May 20) - Huwag mong akalain na hindi mo kakampi ang langit dahil hindi mo nakuha ang iyong gusto. Ang totoo, ang mapasasaiyo ay ipagpapasalamat mo dahil ito ay sobra sa kailangan mo. Masuwerteng kulay-black. Tips sa lotto-17-20-24-28-35-41.
GEMINI (May 21-June 20) - Nagmamadaling dumapo sa iyo ang mga suwerteng kumuha muna ng tamang pagkakataon para lubusang magalak ang iyong puso at damdamin. Ito ang mensahe para sa iyo. Masuwerteng kulay-violet. Tips sa lotto-7-12-17-22-25-43.
CANCER (June 21-July 22) - Muli, magpapakita ka ng kalambutan ng iyong personalidad. Dahil ang mga alam mong hindi naman talaga dapat pagbigyan ay iyong hahayaan. Ito ang mensahe para sa iyo. Masuwerteng kulay-peach. Tips sa lotto-3-18-28-35-36-41.
LEO (July 23-Aug. 22) - Huwag kang magpakita ng hindi maganda sa iyong kinaiinisan. Sa ganitong paraan, langit na mismo ang magpapadama sa kanya na siya ay aani ng mga hindi magandang pangyayari. Masuwerteng kulay-red. Tips sa lotto-3-10-14-25-33-38.
VIRGO (Aug. 23-Sept. 22) - Hinahon ang kailangan mo. Ang mahinahon ay hinahangaan at ang mapupusok ay nilalayuan. Sa ganitong paraan, hahangaan ka ng langit at ikaw ay pagpapalain. Ito ang mensahe para sa iyo. Masuwerteng kulay-brown. Tips sa lotto-17-20-24-30-39-44.
LIBRA (Sept. 23-Oct. 22) - Muli, kung ano ka, ‘yun ang iyong ipakita. Huwag kang tumulad sa iba na itinago ang sarili at sa huli ay nagsisisi dahil sa ginawa nilang pagkukunwari. Ito ang mensahe para sa iyo. Masuwerteng kulay-white. Tips sa lotto-11-18-21-28-30-39.
SCORPIO (Oct. 23-Nov. 21) - Tatamaan ka ng hindi nakikitang sinag ng bituin ng kasaganaan. Biglang magbabago ang mundo mo kung saan ito ay sobrang sasaya dahil sa mga kaganapan sa buhay mo. Masuwerteng kulay-green. Tips sa lotto-7-14-18-22-25-38.
SAGITTARIUS (Nov. 22-Dec. 21) - Tulad ng magagandang dalaga na pumaparada sa beauty contest, ang magagandang oportunidad ay isa-isa nang darating, ngunit ang kaibahan, ang mga ito ay sabay-sabay na magpapakita sa iyo. Masuwerteng kulay-yellow. Tips sa lotto-7-12-18-20-27-39.
CAPRICORN (Dec. 22-Jan. 19) - Kahit nagdududa ka sa iyong sarili, huwag kang magduda sa langit dahil ang mga kahilingan mo ay makikita na isa-isa nang nangyayari. Ito ang mensahe ng iyong kapalaran. Masuwerteng kulay-purple. Tips sa lotto-4-17-21-24-31-35.
AQUARIUS (Jan. 20-Feb. 18) - Huwag mong kibuin ang taong ayaw mo. Mas maganda na alam niya na hindi mo siya gusto. Kapag nagkunwari ka pa, sasakit lang ang ulo mo. Ito ang mensahe ng iyong kapalaran. Masuwerteng kulay-pink. Tips sa lotto-1-10-21-29-31-37.
PISCES (Feb. 19-Mar. 20) - Huwag mong hayaan na maapektuhan ka ng mga pinagsasabi ng mga taong alam mong kulang sa gawa. Hindi lang sakit ang nakakahawa, nakakahawa rin ang pangit na gawi at ugali. Masuwerteng kulay-beige. Tips sa lotto-2-13-17-25-35-45.
Comments