ni Maestro Honorio Ong - @Horoscope| September 10, 2021
Sa may kaarawan ngayong Setyembre 10, 2021 (Biyernes): Kabilang ka sa mga mapapalad na nilalang. Ibig sabihin, kahit hindi ka gaanong magsikap, may mga suwerteng nagdaratingan sa buhay mo.
ARIES (Mar. 21-Apr. 19) - Lagyan mo ng saya ang iyong buhay. Hindi maganda sa tao ang sobrang seryoso. Ang sukatan ng tagumpay ay kung ikaw ay masaya sa mga nakamit mo. Ito ang mensahe para sa iyo. Masuwerteng kulay-white. Tips sa lotto-9-18-21-28-33-37.
TAURUS (Apr. 20-May 20) - Huwag mong yakapin ang lungkot dahil kailangang makawala ka sa rito. Hindi mo dapat akalain na sa kalungkutan ay may sarap ding nararamdaman. Ito ang mensahe para sa iyo. Masuwerteng kulay-green. Tips sa lotto-7-18-20-27-33-41.
GEMINI (May 21-June 20) - Hindi nabubuhay ang tao dahil lang sa materyal na bagay. Ang bumubuhay sa tao ay saya at ligaya. Ang walang saya ay wala ring gana na magpatuloy pa. Ito ang mensahe para sa iyo. Masuwerteng kulay-yellow. Tips sa lotto-7-12-27-31-35-37.
CANCER (June 21-July 22) - Nakatutuwa ang mangyayari sa iyo. Sasabihin mo nang palihim na langit mismo ang bahala sa iyo. Masasabi mo ring nakikinig pala ang langit kaya kikilos ka para pagandahin pa ang iyong buhay. Masuwerteng kulay-purple. Tips sa lotto-16-22-26-39-40-45.
LEO (July 23-Aug. 22) - Magkamali ka man ng pagkilos, magbubunga pa rin ito ng maganda dahil noon pa man, nagpasya na ang langit na hindi papansinin ang iyong mga kamalian at pagkukulang. Ito ang mensahe para sa iyo. Masuwerteng kulay-pink. Tips sa lotto-1-15-16-20-24-31.
VIRGO (Aug. 23-Sept. 22) - Nagsisimula nang gumanda ang mga pangyayari sa buhay mo. At kahit magpumilit ang mga kontrabida, hindi na nila ito mahahadlangan pa. Ito ang mensahe para sa iyo. Masuwerteng kulay-beige. Tips sa lotto-9-11-15-24-27-35.
LIBRA (Sept. 23-Oct. 22) - Humarap ka sa salamin at sa iyo’y sasabihin, “Hindi lang maganda ang hitsura mo kundi maganda rin ang magiging kapalaran mo.” Magpasalamat ka sa nasa itaas. Ito ang mensahe para sa iyo. Masuwerteng kulay-blue. Tips sa lotto-6-13-14-28-30-34.
SCORPIO (Oct. 23-Nov. 21) - Pansinin mo ang isang lalagyan na nadadagdagan lang kapag may paglalagyan pa. Ito ay nagsasabing, magbawas ka nang sa gayun ay madagdagan ka ng bago at magagandang bagay sa iyong buhay. Masuwerteng kulay-black. Tips sa lotto-13-17-20-25-39-44.
SAGITTARIUS (Nov. 22-Dec. 21) - Maghanap ka at ikaw ay makakakita. Walang magandang mangyayari sa ayaw gumalaw. Sa paghahanap, ang mga bagong oportunidad ay namamataan. Ito ang mensahe para sa iyo. Masuwerteng kulay-violet. Tips sa lotto-1-18-21-26-32-35.
CAPRICORN (Dec. 22-Jan. 19) - Dadalawin ka ng suwerte. Hindi mo man aktuwal na makaharap, tiyak na makikipag-ugnayan ito sa iyo. Ito ay letra-por-letra na mangyayari. Ito ang mensahe para sa iyo. Masuwerteng kulay-peach. Tips sa lotto-4-16-20-26-31-32.
AQUARIUS (Jan. 20-Feb. 18) - Huwag kang magulat kapag sinuwerte ka dahil sa mga pagkilos ng iyong mga kaaway at karibal. Ang totoo nga, mahirap lang paniwalaan, pero sila mismo ang suwerte mo. Masuwerteng kulay-red. Tips sa lotto-8-10-14-15-27-21.
PISCES (Feb. 19-Mar. 20) - Dumikit ka sa masaya at sasaya ka. Paano kung dumikit ka sa may magandang kapalaran? Dapat ay alam mo na ang kasagutan at gawin mo na agad, ibig sabihin, dapat ngayon na. Masuwerteng kulay-aquamarine. Tips sa lotto-2-11-19-24-28-37.
Comments