ni Maestro Honorio Ong - @Horoscope| September 08, 2021
Sa may kaarawan ngayong Setyembre 8, 2021 (Miyerkules): Hindi masama ang tumulong sa kapwa para sila ay yumaman, pero ang mas maganda ay unahin mo ang iyong sarili bago ang iba.
ARIES (Mar. 21-Apr. 19) - Huwag mong gaanong pahirapan ang iyong kalooban. Ang ayaw sa iyo, layuan mo na rin dahil habang siya ay nasa buhay mo, hirap na hirap ka. Ito ang mensahe para sa iyo. Masuwerteng kulay-brown. Tips sa lotto-9-15-16-18-26-33.
TAURUS (Apr. 20-May 20) - Bago ang umaga, may dilim muna. Ipinaaalala sa iyo na ang liwanag ng buhay mo ay darating na rin. Huwag kang mainip dahil ito ay tinitiyak ng iyong kapalaran. Masuwerteng kulay-white. Tips sa lotto-8-19-20-21-24-34.
GEMINI (May 21-June 20) - Babagal na parang walang pag-usad ang mga kasalukuyang pinagkakaabalahan mo. Huwag kang mabahala, ibig sabihin nito, kumukuha pa ng buwelo ang mga suwerte mo sa kasalukuyan, at sa susunod na mga araw, totodo ang lakas nito. Masuwerteng kulay-green. Tips sa lotto-2-18-20-24-39-41.
CANCER (June 21-July 22) - Kakaibang lungkot ang madarama mo dahil wala namang sapat na basehan ang lungkot. Ang payo ay nagsasabing dumikit ka sa mga taong positibo at palakuwento. Masuwerteng kulay-yellow. Tips sa lotto-4-18-22-25-36-40.
LEO (July 23-Aug. 22) - Nakagugulat ang kapalaran mo ngayon dahil ang mga suwerte mo ay magmumula sa mga taong lihim mong kinaiinisan sa kasalukuyan. Ito ang mensahe para sa iyo. Masuwerteng kulay-purple. Tips sa lotto-3-18-25-27-34-36.
VIRGO (Aug. 23-Sept. 22) - Balikan mo ang iyong nakaraan kung kailan tinalo mo ang mabibigat na pagsubok sa buhay. Ngayon at sa darating pang mga araw, ang mga pagsubok ay muli mong tatalunin. Masuwerteng kulay-pink. Tips sa lotto-15-18-20-28-31-33.
LIBRA (Sept. 23-Oct. 22) - Mananamlay ka at medyo malulungkot simula ngayon, pero panandalian lang ito dahil dadapo sa iyo ang magandang kapalaran sa susunod na mga araw at sobrang ikagagalak ito ng iyong kalooban. Ito ang mensahe para sa iyo. Masuwerteng kulay-beige. Tips sa lotto-7-19-21-28-30-32.
SCORPIO (Oct. 23-Nov. 21) - Mabuhay ka nang simple habang tinatahak mo ang landas ng buhay kung saan ang dulo ay iyong pagyaman. Muli, mabuhay ka nang simple. Ito ang mensahe ng iyong kapalaran. Masuwerteng kulay-blue. Tips sa lotto-2-11-16-25-39-43.
SAGITTARIUS (Nov. 22-Dec. 21) - Huwag kang maging mapagpilit sa mga araw na ito. Ang mga kagustuhan mo ay kusang mapasasaiyo, pero kapag naging mapilit ka, maaantala at matatagalan ang pag-angkin mo sa mga bagay na inilaan talaga sa iyo ng kapalaran. Masuwerteng kulay-black. Tips sa lotto-3-19-27-33-35-44.
CAPRICORN (Dec. 22-Jan. 19) - Madodoble ang suwerte na nasa sa iyo na, kaya hindi ipinapayo na dahil masaya ka ay patuloy kang aangkin nang aangkin. Mas magandang bawasan ang hawak mo na. Ito ang mensahe ng iyong kapalaran. Masuwerteng kulay-violet. Tips sa lotto-10-12-25-30-34-38.
AQUARIUS (Jan. 20-Feb. 18) - Kumalma ka lang kahit ang mga pangyayari sa harapan mo ay nakakainit ng ulo. Sa pagiging kalmado, ang mga suwerte sa paligid at ang nasa ibang tao ay malilipat mismo sa iyo. Masuwerteng kulay-peach. Tips sa lotto-1-17-20-22-25-30.
PISCES (Feb. 19-Mar. 20) - Huwag mong tularan ang mga palaban. Dito sa mundo, ang tunay na basehan kung sino ang nagtagumpay ay ang maunlad na buhay at hindi ang marami ang tinalo sa pakikipag-away. Masuwerteng kulay-red. Tips sa lotto-18-26-28-30-37-38.
Comments