ni Maestro Honorio Ong - @Horoscope| Oktubre 29, 2022
Sa may kaarawan ngayong Oktubre 29, 2022 (Sabado): Malambot ang iyong damdamin, kung saan madali kang bumigay sa mga kabaitang ipinakikita sa iyo. Ito ang iyong kahinaan, kaya pag-aralan mo kung paano ito makokontrol.
ARIES (Mar. 21-Apr. 19) - Ito ang araw kung kailan pagbibigyan ang mga hindi mo pinagbigyan dahil matigas ang iyong kalooban. Ito ay makakaganda sa buhay mo. Gayundin, ito ang mensahe ng iyong kapalaran. Masuwerteng kulay-white. Tips sa lotto-2-9-11-16-20-25.
TAURUS (Apr. 20-May 20) - Pagmamahal ang naghahari sa iyo, pero hindi kabilang ang pagmamahal sa mga meteryal na bagay. At ang pagmamahal sa sarili ay iyong iwasan, bagkus, mahalin mo ang kapwa mo. Masuwerteng kulay-green. Tips sa lotto-16-21-24-28-30-34.
GEMINI (May 21-June 20) - Masuwerte ka kapag bumagal ang galaw ng iyong mundo ngayon dahil palatandaan ito na hindi mo ipipilit ang iyong sarili sa walang katiyakang pakikipagsapalaran. Masuwerteng kulay-yellow. Tips sa lotto-11-19-28-31-32-35.
CANCER (June 21-July 22) - Bumalik ang mga araw na mas masuwerte ka kaysa sa mga pangkaraniwan. Mapasasaiyo ang hindi mo hiniling, pero ito ay magpapaganda pa rin ng iyong buhay. Masuwerteng kulay-purple. Tips sa lotto-16-22-24-28-39-42.
LEO (July 23-Aug. 22) - Kung sino ang may kakayahan, siya ang dapat umalalay. Ngayon, ikaw ay may kakayahan, kaya alalayan mo ang mahihina at nangangailangan. Ito ang iyong obligasyon. Masuwerteng kulay-pink. Tips sa lotto-13-14-23-29-33-41.
VIRGO (Aug. 23-Sept. 22) - Nagkakaroon ng espasyo kapag may nawala. Mahiwaga ang ganitong salita, pero para sa iyo, ang bagong espasyo ay para sa bagong kabanata ng buhay. Ito ang mensahe para sa iyo. Masuwerteng kulay-beige. Tips sa lotto-17-20-21-24-26-36.
LIBRA (Sept. 23-Oct. 22) - Ipahiram mo ang saya na nasa iyo na. Paano? Simple lang, makipagkuwentuhan ka sa may mabigat na problema at siya mismo ang magsasabi na, “Salamat sa pagpapasaya mo sa akin.” Masuwerteng kulay-blue. Tips sa lotto-12-18-27-30-35-37.
SCORPIO (Oct. 23-Nov. 21) - Higit kaninuman, ikaw ang puwedeng panggalingan ng mga biyaya para sa mga kapus-palad. Kahit hindi malaki ang magmumula sa iyo, labis ka nilang pasasalamatan. Masuwerteng kulay-black. Tips sa lotto-16-21-24-29-32-41.
SAGITTARIUS (Nov. 22-Dec. 21) - Mag-ingat ka dahil mahina ka ngayon laban sa mga tukso. Huwag mong kalimutan na ang pagpapalit ng pasya ay tukso rin kapag hindi mo itinuloy ang matagal nang nakaplano. Masuwerteng kulay-violet. Tips sa lotto-11-19-20-28-30-33.
CAPRICORN (Dec. 22-Jan. 19) - Buhay na buhay ang iyong pag-asa. Ibig sabihin, magkakaroon ng katuparan ang iyong mga pangarap at ito ay magsisimula nang maganap ngayon. Ito ang mensahe para sa iyo. Masuwerteng kulay-peach. Tips sa lotto-3-11-16-27-33-35.
AQUARIUS (Jan. 20-Feb. 18) - Hindi ka ipinanganak na isang alipin. Kaya bakit ka magpapaalipin sa iyong kalungkutan? Walang kahit na sino at ano na puwedeng umalipin sa iyo. Ito ang paalala sa iyo. Masuwerteng kulay-red. Tips sa lotto-14-15-21-24-28-30.
PISCES (Feb. 19-Mar. 20) - Hindi maganda na makita mong lumuluha ang mga nagkamali sa iyo. Maaawa ka at makakalimutan mo ang mga nagawa nilang kasalanan. Ito ang babala ng iyong kapalaran. Masuwerteng kulay- aquamarine. Tips sa lotto-7-18-20-23-28-39.
Kommentare