ni Maestro Honorio Ong - @Horoscope| May 28, 2021
Sa may kaarawan ngayong Mayo 28, 2021 (Biyernes): Palagi kang mangunguna sa lahat ng bagay. Kaya kung ang gusto mo ay yumaman, ginagarantiyahan ng iyong kapalaran na numero-uno ka sa pagpapayaman.
ARIES (Mar. 21-Apr. 19) - Susundan ka ng saya kahit saan ka pa pumunta at kahit ang makasama mo ay nalulungkot, siya rin ay sasaya dahil madarama niya na wala siyang magagawa kundi ang sumaya. Masuwerteng kulay-blue. Tips sa lotto-16-20-29-30-31-38.
TAURUS (Apr. 20-May 20) - Makipagsapalaran ka dahil ang mga butuin ay kusang inaayos ang kanilang porma, na anumang sandali ay pagkakalooban ka na ng magagandang kapalaran. Ito ang mensahe para sa iyo. Masuwerteng kulay-black. Tips sa lotto-15-21-24-36-33-37.
GEMINI (May 21-June 20) - Magliliwanag ang iyong kapalaran na para bang natanglawan ka ng isang malaking ilaw at sa maniwala ka o hindi, ang mga taong walang bilib sa iyo ay sobrang mamamangha. Masuwerteng kulay-violet. Tips sa lotto-14-22-25-39-40-42.
CANCER (June 21-July 22) - Sa araw na ito, aamo sa iyo kahit ang may pinakamatigas na puso. Walang magagawa ang nagkukunwaring wala siyang pagtingin sa iyo kundi ang ipadama na ikaw ay mahalaga sa kanya. Masuwerteng kulay-peach. Tips sa lotto-5-13-21-28-37-41.
LEO (July 23-Aug. 22) - Aangat ka nang aangat ngayon, hindi dahil magaling ka. Bagkus, ito ay dahil ayaw ng langit na makitang nakakaporma sa iyo ang mga taong inggit lang ang laman ng puso. Masuwerteng kulay-red. Tips sa lotto-16-22-28-30-31-34.
VIRGO (Aug. 23-Sept. 22) - Tumakas na parang nagmamadaling leon na may bahag ang buntot at negatibong puwersa na gustong maghari sa iyo, sapagkat natagpuang nagliliwanag ang iyong pagkatao. Masuwerteng kulay-brown. Tips sa lotto-18-22-23-32-34-40.
LIBRA (Sept. 23-Oct. 22) - Hindi mahalaga kung naniniwala o nag-aalinlangan ka dahil wala namang inilatag na kondisyon ang langit sa magagandang kapalaran na noon pa nakalaan sa iyo. Masuwerteng kulay-white. Tips sa lotto-14-23-27-29-35-39.
SCORPIO (Oct. 23-Nov. 21) - Alis-lisan ang mga suwerte sa buhay ng tao. Sa iyo, sa bawat pag-alis, may maiiwanang pampasigla na magsisilbing binhi ng malaking puno na ang bunga ay mga buwenas. Masuwerteng kulay-green. Tips sa lotto-12-20-22-24 -26-31.
SAGITTARIUS (Nov. 22-Dec. 21) - Hindi maaagaw ninuman ang magandang kapalaran na para sa iyo. At kung sakali mang ito ay mawawala, nakahanda ang langit na palitan ito ng mas malaki at mas magugustuhan mo. Ito ang mesahe para sa iyo. Masuwerteng kulay-yellow. Tips sa lotto-1-17-23-27-39-40.
CAPRICORN (Dec. 22-Jan. 19) - Titimbangin ka ng langit ngayon at ikaw ay matatagpuang maraming nagawang kabutihan sa kapwa. Dahil dito, ang mga pagpapala at biyaya ay patuloy na sasaiyo. Masuwerteng kulay-purple. Tips sa lotto-19-21-26-31-32-38.
AQUARIUS (Jan. 20-Feb. 18) - Kikilos ka nang nakakahalina. Mahahawakan mo rin, hindi lang ang pangkaraniwang suwerte kundi maging ang malalaking suwerte at magagandang kapalaran na ipagkakaloob ngayon ng langit. Masuwerteng kulay-pink. Tips sa lotto-6-13-22-26-39-40.
PISCES (Feb. 19-Mar. 20) - Muling mangyayari na dadalhin ka ng iyong mga paa sa lugar kung saan makakaharap at puwede mo pang yakapin ang iyong suwerte. Ito ang mensahe para sa iyo. Masuwerteng kulay-beige. Tips sa lotto-18-20-23-25-38-41.
Comments